“Itok, Ļoor Eō M̧akūtkūt ko,” Eo Jera, Māe 2023, 10–11.
Itok, Ļoor Eō M̧akūtkūt ko
N̄an nokon in jota, ekkatak jeje ko rekwojarjar, ak n̄an baj kam̧ōņōņō!
Kwaļo̧k Kam̧m̧oolol
Kōmeļeļe ko jān Katy Dockrill
Bwebwenato: Riiti bwebwenato eo “Juon Em̧m̧aan Eļap an Kam̧m̧oolol” ilo peij 46. Elmen am̧ maron̄ kwaļo̧k am̧ kam̧m̧oolol?
Al: “Thanks to Our Father” (Children’s Songbook, 20)
M̧akūtkūt eo: M̧wijitļo̧k 10 pepa jidik ko. Ilo ioon kajjojo pepa jidik kein, je juon men kwoj kam̧oolol kake. Kobaik jem̧ļo̧kin pepa jiddik ko bwe ren kōm̧m̧an doulul im glue ak teepe jem̧ļo̧k ko jan kōm̧m̧ane juon chain. Kattotoiki chain in kam̧m̧oolol eo am̧ juon jikin eo enaaj emakijkij am̧ loe.
Jerbal in Jipan̄ an Superhero
N̄an Matu 19–20; Mark 10; Luk 18
Bwebwenato: Jisōs Kraist ekar katakin bwe jej aikuj jipan̄ armej ro rej pād ilo aikuj (lale Mark 10:17–22). Riiti “Juon Lijem̧ao im Juon Raj” ilo peij 8 n̄an ekkatak wāween an juon ļaddik etan Dieter ļoore Jisōs.
Al: “Keep the Commandments” (Children’s Songbook, 146–47)
M̧akūtkūt: Etal n̄an peij 12 im erom̧ juon superhero in jerbal in jipan̄.
Wōjke in Ron̄jake
N̄an Matu 21–23; Mark 11; Luk 19–20; Jon 12
Bwebwenato: Zakkiōs ekar kōņaan loe Jisōs, ak jarlepju kileplep eo rekar pinej mejen. Zakkiōs ekar tallōn̄e juon wōjke bwe en maron̄ em̧m̧anļo̧k an loe im ron̄ ainikien Jisōs. (Lale Luk 19:2–8.)
Al: “If I Listen with My Heart” (Music for Children, ChurchofJesusChrist.org)
M̧akūtkūt: Kōm̧mane juon pā wōjke! Ilo ioon juon pepa, anōke lo̧bwidren peim. Peim enaaj juon keen wōjke im adiin peim enaaj ra ko. Ipeļaakin kajjojo ra, je ak jin̄aik wāween ko kwomaron̄ ron̄jake Jisōs.
Juon Mijinede Kiiō
N̄an Josep Smith—Matu 1; Matu 24–25; Mark 12–13; Luk 21
Bwebwenato: Jisōs Kraist ekar ba bwe m̧okta jān An naaj bar itok, gospel eo naaj kwaļo̧k n̄an aolepen laļ in (lale Josep Smith—Matu 1:31). Jemaron̄ jipan̄ keppopo n̄an Itok eo Kein karuo ilo ad kwalo̧k gospel in ippān ro jet.
Al: “I Hope They Call Me on a Mission” (Children’s Songbook, 169)
M̧akūtkūt: Kōm̧m̧ane juon am̧ make name tag in mijinede! Jeik etam̧ n̄an ioon juon pepa im m̧wijitļo̧k. Ilo tulikin, je juon men kwomaron̄ kōm̧m̧ane n̄an kwaļo̧k gospel in kiiō. Piini ak teepe name tag eo n̄an jiln̄ij eo am̧.
Neen Jipan̄ ko
Bwebwenato: Jisōs Kraist ekar kwaļ neen rikaļoor ro An (lale Jon 13:4–16). Ekar iakwe er im kōņaan jerbal n̄an er. Jisōs ekar jiron̄ er n̄an ļoor waanjon̄o̧k eo An im jerbal n̄an doon.
Al: “‘Give,’ Said the Little Stream” (Children’s Songbook, 236)
M̧akūtkūt: Ikkure ikkure in jerbal in jipan̄ in. Aolep rej jijet ippān aer likūt neer ilowaan juon doulul. Juon rikkure ej kālet juon nōm̧ba. Ijjinoe kōn neen make, rikkure eo ej jitōn̄ļo̧k kajjojo ne ko ilowaan doulul eo im bōnbōn laļļo̧k m̧ae etōpar nōm̧ba “juon.” Ne eo me etōpar nōmba “juon” ej diwoj. Innām rikkure eo ej kālet juon nōm̧ba im bōnbōn laļļo̧k. Armej eo āliktata ippān ne eo ilo doulul eo ej kālet juon m̧akūtkūt in jerbal in jipan̄ n̄an an kurup eo kōm̧m̧ane.