“Uwaak ko kōn Tampeļ,” Eo Jera, Māe 2023, 38–39.

Uwaak ko kōn Tampeļ

Ta ko āinwōt ilowaan tampeļ?

Tampeļ eo ej m̧weo im̧ōn Irooj. Erreo im aiboojoj ilowaan. Aolep rej ekkōņak mouj im kajijeon̄ kautiej. Ej juon jikin elūr n̄an kabun̄jar n̄an Anij, ekkatak, im en̄jake iakwe eo an Rilo̧mo̧o̧r kōn Jetōb Kwojarjar.

Ta ko armej rej kōm̧m̧an ilowaan tampeļ?

Juon pijain juon leddik im ļaddik tūrin juon pijain ro jibwier im jim̧m̧aer etto

Ilo tampeļ, jej ekkatak kōn karōk eo an Anij im kōm̧m̧ani bujen ko Ippān. Jej kōm̧m̧ane menin ilo ad bōk koņaad ilo kain̄i ko āinwōt peptaij ko, kapen ko, im liāp n̄an baam̧le ko ad.

Ewi wāween aō ekōņak nuknuk n̄e ij etaļ n̄an tampeļ?

Juon ļaddik ej suit im tie ej pād tūin juon ļaddik ej jumpsuit mouj.

Kwoj aikuj kōņaki nuknuk ko rem̧m̧antata am̧ n̄an tampeļ. Ilo tōre eo kwoj tōpar lowaan, kwoj jenij n̄an nuknuk ko rejenolo̧k n̄an kōm̧m̧ane kain̄i ko. N̄an peptaij ko, rijerbal ro an tampeļ renaaj lewaj n̄an eok juon jumpsuit n̄an kōņake.

Ta in juon peba in mālim n̄an deļo̧n̄e tampeļ?

Juon ļaddik ej ettōn̄dikdik im bōk juon kaat

Juon pepa in mālim in deļo̧n̄e tampeļ ej juon m̧ōttan pepa jidikdik me ej kōmālim am̧ deļo̧n̄e tampeļ. Kwomaron̄ bōke juon jān ippān juon membōr in bisoprik eo ak branch būreejtōnji eo. Enaaj kajjitōk ippom̧ eļan̄n̄e kwoj kejparoke kien ko im eļan̄n̄e ewōr am̧ naan in kam̧ool. Eļan̄n̄e kwoj erre im pojak n̄an dreļo̧n̄e tampeļ, enaaj lewaj n̄an eok juon peba in mālim n̄an deļo̧n̄e tampeļ.

Ta meļeļein n̄an kōm̧m̧ane peptaij ko n̄an ro remej?

Juon leddik ej peptaij ilo jikin petaij eo ilo tampeļ.

Ilo tampeļ eo, komaron̄ peptaij kōn armej raar mej ilo aer kar jab peptaij. Kwonaaj ekkōņak nuknuk mouj im tulo̧k ium̧win dren, (lelaļo̧k aolepem n̄an um̧win) dren eo.