Jisōs Ekar Kwaļo̧k ilo Tampeļ eo

Kōm̧akūt peij in im nukuj jimettanin. Innām kotak pija eo ilo am̧ kwaļo̧k bwebwenato eo.

Ke Jisōs Kraist ekar 12 iiō dettan, E ekar etal ippān Meri im Josep n̄an Jerusalem.

Ilo aer kar jepļaak n̄an m̧weo, Meri im Josep rekar kile bwe Jisōs ekar jako ippāer. Rekar ro̧o̧l ekkairir n̄an Jerusalem n̄an kappukot E.

Meri im Josep rekar kappukot im bar kappukot. Āliktata, rekar loe Jisōs ilo tampeļ eo. E ekar katakin armej ro im uwaaki kajjitōk ko aer. Aolep rekar ļo̧kjen aer kōn jon̄an An jeļā kōn gospel eo. Jisōs ekar kōm̧m̧ane jerbal eo an Jemedwōj Ilan̄ men̄e E ekar dik wōt.

Jemaron̄ barāinwōt jipan̄ ilo jerbal in an Jemedwōj Ilan̄. Jemaron̄ kwaļo̧k gospel eo. Jemaron̄ ekkatak kōn tampeļ. Men kein renaaj jipan̄ kōj ekkatak im eddōkļo̧k āinwōt kar Jisōs.