Jisas i Tij insaed long Tempol

Karemaot pej ia mo foldem long haf. Afta, leftemap pikja i go antap taem yu stap talem stori.

Taem Jisas Kraes i gat 12 yia, Hem i bin go wetem Meri mo Josef long Jerusalem.

Long rod blong olgeta i gobak long haos, Meri mo Josef i kam blong luksave se Jisas i no stap wetem tufala. Oli hariap i gobak long Jerusalem blong faenem Hem.

Meri mo Josef i lukaotem mo lukaotem. Long en, oli faenem Jisas insaed long tempol. Hem i stap tijim ol pipol mo stap ansarem ol kwestin blong olgeta. Evriwan oli sapraes tumas long hamas Hem i save abaot gospel. Jisas i stap mekem wok blong Papa long Heven nomata we Hem i yang.

Yumi save help wetem wok blong Papa long Heven tu. Yumi save serem gospel. Yumi save lanem abaot tempol. Ol samting ia bae oli helpem yumi blong lan mo gro olsem Jisas i bin mekem.