“Gud Taem blong Foldem Pepa,” Fren, Mei 2023, 32–33.
Naes Pleiplei
Gud Taem blong Foldem Pepa
Ol pikja droing i kam long Nicole Walkenhorst
Origami Bukmak
-
Foldem wan skwea pis pepa long haf blong mekem wan traengol.
-
Foldem tugeta saed blong traengol i go long medel blong mekem wan skwea. Openem bak pepa.
-
Holem pepa we i stap antap long top kona blong traengol mo foldem i go daon.
-
Pusum raet mo lef en blong traengol i go insaed long poket.
-
!Naoia yu save rid wetem niufala bukmak blong yu!
Origami Wael Dog
-
Foldem wan skwea pis pepa long haf blong mekem wan traengol.
-
Foldem raet mo lef saed blong traengol i go long medel blong mekem wan skwea.
-
Tanem skwea ia ova. Foldem long haf folem laen long medel blong mekem wan traengol.
-
Faenem en blong traengol we i gat tri wing. Foldem en ia i go antap be mekem i lei smol, mo afta openem ol wing blong hem.
-
Openem medel wing mo foldem en blong hem i go daon blong mekem wan fes.
-
Karem nara kona blong bigfala traengol mo foldem i go daon blong mekem tel.
Origami Fis
-
Foldem wan skwea pis pepa kros long haf blong mekem wan traengol mo afta openem. Mekem semmak long narasaed.
-
Foldem pepa long haf blong mekem wan rektangol, mo afta openem.
-
Tanem pepa blong yu ova. Pinjim ol ples we oli foldem long wanwan kona long kros mo long en. Joenem tufala tu raet kona tugeta kasem taem ol en i laen stret. Mekem semmak long lef. Long en yu sud gat wan traengol sep.
-
Foldem wan wing i go long medel. Foldem nara wing ova long fas wing. Hemia bae i mekem ol han blong fis.
-
Naoia, tanem ova fis blong yu mo droem wan ae.