“Ol Not blong Konfrens,” Fren, Mei 2023, 5.
Ol Not blong Konfrens
Pikja droing i kam long Josh Talbot
Mifala I Biliv long Kraes
Presiden Oaks i talem se yumi biliv long Jisas Kraes. Hem i ridim plante skripja abaot wanem Jisas i talem long taem we Hem i laef mo taem Hem i visitim Ol Man blong Nifae. Yumi mas stadi ol toktok blong Jisas blong gaedem laef blong yumi.
Hemia i tijim mi:
Wetem Jisas Bakegen
Elda Stevenson i tokbaot tu gel we anti blong tufala i bin ded. Woman blong elda Stevenson, Lesa, i askem tufala, olsem wanem tufala filim. Tufala i harem nogud, be tufala i serem testemoni blong tufala wetem hem. Tufala i save se anti blong tufala i glad mo bae i save stap wetem Jisas. Fet long Jisas Kraes mo laef we i no save finis i kamfotem yumi.
Hemia i tijim mi:
Testemoni long wan bas
Elda Corbitt i tokbaot wan woman we hem i toktok wetem hem long wan bas taem oli stap ron. Hem (woman ia) i askem from wanem hem biliv long Jisas Kraes. Hem i no save stret wanem blong talem. Mo afta hem i tingting blong lukluk nomo long wanem i impoten tumas. Hem i talem long woman ia se yumi nidim Jisas blong helpem yumi gobak long Papa long Heven. Yumi save serem testemoni blong yumi tu.
Hemia i tijim mi:
Stap Karem Ol Ston
Sista Johnson i serem olsem wanem ol had samting long laef oli olsem wan basket we yumi stap karem we i fulap wetem ol ston. Yumi karem ol ston from ol sin blong yumi, ol fasin we i no kaen blong ol narawan, mo ol jalenj blong laef. Jisas Kraes i help blong karemaot ol samting long basket blong yumi sapos yumi tanem yumi i go long Hem. Yumi save helpem tu ol narawan blong karemaot ol samting long basket blong olgeta taem yumi kea long olgeta olsem we Jisas bae i mekem.
Hemia i tijim mi: