Wan Konfrens Mesej we i kam long Profet
Stap Wan Man blong Mekem Pis
Oli karemaot long “I Nidim Ol Man blong Putum Pis,” Liahona, Mei 2023.
Olsem ol disaepol blong Jisas Kraes, yumi mas stap ol eksampol long hao blong toktok wetem ol narawan. Wan long ol isi wei blong faenemaot wan tru man blong folem Jisas Kraes, hem i hao wan man i mekem i gud long nara pipol.
Sevya i mekem hemia i klia. “Olgeta we oli mekem pis bae oli kasem blesing,” Hem i talem (Matiu 5:9; luk tu long 3 Nifae 12:9). Ol tru disaepol blong Hem, oli bildim, leftemap, leftemap tingting, mo givim insperesen—nomata se situesen i had olsem wanem. Ol tru disaepol blong Jisas Kraes oli stap mekem pis.
!Hao yumi tritim yumi wanwan i impoten tumas! Hao yumi toktok long mo abaot ol nara man long hom, jos, mo onlaen i impoten tumas. Yumi save jenisim wol—wan man mo wan kontak long wan taem.
Ol fasin blong no stap agri oli pat blong laef. Bae yumi soem se i gat wan wei blong stretem samting wetem respek taem i no gat agrimen. Prea blong gat strong tingting mo waes blong talem mo mekem wanem we bae Sevya i mekem.
Mi askem yu blong jusum blong stap man blong mekem pis, tedei mo oltaem.
“Mo Hem i Openem Maot blong Hem mo Tijim Olgeta” i kam long Michael Malm
Yumi Save Jenisim Wol.
!Presiden Nelson i talem se wanem we yumi mekem mo talem i impoten tumas! Long ol spes daon ia, raetem wanem yu save talem blong help blong mekem pis.
?Wanem nao yu save talem long wan we i harem nogud?
?Wanem nao yumi save talem taem wan i karem ol samting blong yu?
?Wanem nao yu save talem taem wan i mekem nogud long yu?