Juon Ennaan an Kweilo̧k eo jān Rikanaan eo
Erom juon Rikaenōm̧m̧an
Kar ukukōt jān “Rikaenōm̧m̧an ro Jej Aikuji,” Liaona, Māe 2023.
Āinwōt rikaļoor ro an Jisōs Kraist, jej aikuj in erom̧ waanjon̄ak ko kōn ekōjkan ikitōltōl ippān ro jet. Juon iaan wāween ko repidodo tata n̄an kile juon rikaļoor em̧ool an Jisōs Kraist ej ewi jon̄an an armej eo meanwōd ilo kōm̧m̧an n̄an armej ro jet.
Rilo̧mo̧o̧r ekar kalikkar menin. “Em̧ōņōņō ro rej kōm̧m̧an aenōṃṃan,” Ekar ba. (Matu 5:9; lale barāinwōt 3 Nipai 12:9). Rikaļoor ro An rem̧ool rej kalōk, kotak, kōketak, kareel, im im̧we—jekdo̧o̧n jon̄an pen in jekjek eo. Rikaļoor ro rem̧ool an Jisōs Kraist rej rikaenōm̧m̧an.
Ad kōm̧m̧an n̄an doon elukkuun aorōk! Wāween ad kōnono n̄an im kōn ro jet ilo m̧weo, ilo m̧ōn jar eo, ilo jerbal, im online relukkun aorōk. Jemaron̄ kōm̧m̧an oktak ilo laļ in—juon armej im juon jelm̧ae doon ilo juon iien.
Oktak ko rej m̧ōttan mour in. Jen kwaļo̧k bwe ewōr juon wāween kautiej n̄an jerbale jab errā ko ad. Jar n̄an bōk peran im māletlet n̄an ba ak kōm̧m̧an ta eo Rilo̧mo̧o̧r en kar ba im kōm̧m̧ane.
Ij libjerjer kom̧ n̄an kāālet n̄an erom̧ juon rikaenōm̧m̧an, kiiō im iien otemjej.
“Im Ej Waļan̄i Lo̧n̄iin im Katakin Er” jān Michael Malm
Jemaron̄ Ukōt Laļ in
Būreejtōn Nelson ekar ba bwe ta eo jej kōm̧m̧ane im ba rej lukkuun aorōk! Ilo jikin ko itulaļ, je ta eo kwomaron̄ ba n̄an jipan̄ bōktok aenōm̧m̧an.
Ta eo kwomaron̄ ba n̄an juon eo me ej būrom̧ōj?
Ta eo kwomaron̄ ba n̄e juon ej bōk men ko am̧?
Ta eo kwomaron̄ ba n̄e juon ej lāj n̄an kwe?