“Houʻeiki Fafine ʻo e Tuí,” Ko e Kaumeʻá, Sepitema 2023, 2–3.
Mei he Kau Palesitenisī ʻUluakí
Houʻeiki Fafine ʻo e Tuí
Toʻo mei he “Teachings of Women,” Church News, 15 Sepitema, 2022 (vitiō).
Ko e kau faiako mahuʻinga taha kuó u maʻu ʻi heʻeku moʻuí ko ha houʻeiki fafine. ʻI heʻeku kei siʻí, naʻe mālōlō ʻeku tangataʻeikí, pea naʻe puke lahi ʻeku faʻeé ʻi heʻene ako ʻi ha ʻunivēsiti. Naʻe hangē ʻeku kui fefiné ha faʻē ʻe taha kiate aú, ʻo aʻu pē ki he fakaʻau ke sai ange ʻeku faʻeé. Naʻá na fakatou akoʻi au fekauʻaki mo e ongoongoleleí, ngāue tokoní, mo e ngaahi fatongia fakafāmilí. Ko ʻeku tui ki he ʻEikí ne meimei tupunga kotoa ia meiate kinaua.
Naʻe hoko foki hoku uaifi ko Suné ko ha hoa mo ha faiako lelei kiate au. Hili e mālōlō ʻa Suné, naʻá ku mali mo hoku uaifi ko Kilisitiní. Kuó ne hoko ko ha ivi tākiekina maʻongoʻonga ʻi heʻeku moʻuí.
Te u houngaʻia maʻu pē ʻi he ngaahi sīpinga mo e ngaahi akonaki faivelenga ʻa e kau fafine ko ʻení.
ʻOku Fiemaʻu ʻa e Tokotaha Kotoa
Te ke fakahaaʻi fēfē hoʻo fakaʻapaʻapa ki he tamaiki fefiné mo e houʻeiki fafiné, pea ki he tamaiki tangatá mo e houʻeiki tangatá?