“Naʻe Toetuʻu ʻa Sīsū,” Ko e Kaumeʻá, Sepitema 2023, 24–25.
Ngaahi Talanoa ʻo Sīsuú
Naʻe Toetuʻu ʻa Sīsū
Toʻo ʻa e peesi ko ʻení pea pelu ua ia. Puke hake leva ʻa e fakatātaá lolotonga hoʻo fai ʻa e talanoá.
ʻI he ʻaho hono tolu hili ʻa e pekia ʻa Sīsū Kalaisí, naʻe ʻalu ʻa Mele Makitaline ki Hono fonualotó. Kuo tekaʻi ʻa e maká. Kuo pulia Ia!
Naʻe kamata ke tangi ʻa Mele. Naʻá ne fakakaukau kuo ʻave ʻe ha taha Hono sinó. Naʻá ne fanongo leva ki ha leʻo ʻi hono tuʻá. Naʻe pehē ʻe ha tangata, “Fefine, ko e hā ʻokú ke tangi aí?”
Naʻe fakakaukau ʻa Mele ko e tangata tauhi ngoué. Naʻá ne ʻeke ange pe naʻe ʻi fē ʻa e sino ʻo Sīsuú.
Naʻe tali ange ʻe he leʻó, “Mele.” Naʻe ʻiloʻi ʻe Mele ʻa e tangatá ʻi he taimi ko ʻení. Naʻe ʻikai ko e tangata tauhi ngoué. Ko Sīsū ia! Kuó Ne toetuʻu. Naʻá Ne folofola kia Mele ke tala ki he kau ākonga kehé kuó Ne toe moʻui.
‘Oku moʻui ‘a Sīsū Kalaisi ʻi he ʻahó ni. Koeʻuhí ko Ia, te tau toetuʻu kotoa pē.