“Mālō e lelei mei ʻAmelika!” Ko e Kaumeʻá, Sepitema 2023, 18–19.
Mālō e lelei mei he ʻAmelika!
Naʻe nofo ʻa Lakisimī ʻi Hauaiʻi pea ʻoku nofo he taimí ni ʻi ʻIutā. Ko ha ngaahi moʻoniʻi meʻa ʻeni fekauʻaki mo e ongo siteiti ko iá.
Tā fakatātā ʻa Audrey Day
Ko e ʻIunaiteti Siteiti ʻo ʻAmeliká ko ha fonua pē ia ʻi ʻAmelika Noate. ʻOku meimei ko e kakai ʻe toko 300 miliona ʻoku nau nofo ʻi aí.
Ngaahi Paʻake Fakafonuá
ʻOku ʻi ai ha ngaahi paʻake fakafonua ʻe 63 ʻi ʻAmelika. ʻOku ʻi he toafa ʻo ʻIutaá ʻa e Paʻake Fakafonua ʻĀlesó pea ʻoku ʻi ai ha ngaahi ʻāleso makaʻone ʻe 2,000. ʻOku tuʻu ʻa e Paʻake Fakafonua Haleakalaá ʻi Hauaiʻi pea ʻoku ʻi ai hono moʻunga afi.
Kau Paionia mei he Funga ʻo e Māmaní
ʻOku maʻu ʻe he USA ha ngaahi fāmili mei he funga ʻo e māmaní. ʻI he 1800 tupú, ko e tokolahi taha ʻo e kāingalotu paionia naʻa nau fononga ki ʻIutaá naʻa nau omi mei ha ngaahi fonua kehe.
Temipale Fakaʻofoʻofa ʻe Ua
Ko e Temipale Sōlekí ʻa e fuofua temipale naʻe kamata ke langa ʻe he kau paioniá ʻi ʻIutaá. Naʻe feʻunga mo ha taʻu ʻe 40 pea toki ʻosi!
Ko e Temipale Laʻie Hauaiʻí ko e fuofua temipale ia ke langa ʻi tuʻa mei ʻIutā hili ʻa e hiki ʻa e Kāingalotú ki he hihifó.
Ko ha Fua Lelei
ʻOku fakafuofua ko ha peseti ʻe 10 ʻo e fainā kotoa ʻo māmaní ʻoku tupu ʻi Hauaiʻí. ʻOku fakafofongaʻi ʻe he fainaá ʻa e fakafeʻiloaki mo e talitali kakai leleí.
Ko ha Siteiti Fakakaumeʻa
ʻOku ui ʻa Hauaiʻi ko e Siteiti ʻAlohá. Ko hono ʻuhingá he ko e ʻalohá ko e “mālō e lelei.” ʻOku ʻiloa ʻa e kau Hauaiʻí ʻi heʻenau anga fakakaumeʻá.