Dali, Sunod Kanako nga mga Kalihokan

Alang sa home evening o pagtuon sa kasulatan—o lingaw-lingaw lamang!

Hinagiban sa Dios Pagpares-pares nga Dula

Alang sa Mga Taga-Efeso

Istorya: Si Pablo nagtudlo kanato nga isul-ob “ang tibuok hinagiban sa Dios” (Mga Taga-Efeso 6:13–17). Kon kita mosunod ni Jesukristo, kita mapanalipdan sa espirituhanong paagi! Basaha ang istorya sa kasulatan sa pahina 46 aron magkat-on pa og dugang.

Awit: “Scripture Power” (“Music for Children,” ChurchofJesusChrist.org)

Kalihokan: Paklia ang pahina 8 aron sa pagpares-pares nga kalihokan. Sa unsang paagi nga ang pagpuyo sa ebanghelyo makatabang kaninyo nga luwas?

Kalinaw gikan sa Manluluwas

Alang sa Mga Taga-Filipos; Mga Taga-Colosas

Istorya: Kon ang mga butang lisod, makaampo kita alang sa tabang. Tungod sa Manluluwas, makabati kita og kahupayan ug kalinaw. (Tan-awa sa Mga Taga-Filipos 4:4–7.)

Awit: “Gibati Ko ang Gugma sa Akong Manluluwas” (Songbook sa mga Bata, 42–43)

Kalihokan: Sa pahina 10, basaha ang istorya bahin sa usa ka batang babaye kinsa mibati sa gugma ni Jesukristo. Dayon paghunahuna bahin sa usa ka panahon nga mibati ka og kalinaw tungod Kaniya. Isulat kini o pagdrowing og usa ka hulagway. Dayon ipadala kini kanamo sa ang Higala! Adto sa luyo nga hapin aron makita kon unsaon.

Mga Litrato sa Pasalamat

Alang sa 1 ug 2 Mga Taga-Tesalonica

Istorya: Mitudlo si Pablo, “Pagpasalamat kamo bisag unsay modangat kaninyo” (1 Mga Taga-Tesalonica 5:18). Makapakita kita sa atong pasalamat pinaagi sa pagpasalamat sa uban alang sa ilang tabang. Makapasalamat usab kita sa Langitnong Amahan kon mag-ampo kita.

Awit: “Salamat sa Atong Amahan” (Songbook sa mga Bata, 10)

Kalihokan: Unsa ang pipila sa imong mga panalangin? Pagdrowing o paggunting og mga litrato gikan sa usa ka magasin kon unsa ang imong gipasalamatan. Dayon ihatag ang imong art ngadto sa usa ka tawo nga gusto nimong pasalamatan.

I-tap ang Ritmo

Alang sa 1 ug 2 Timoteo; Tito; Filemon

Istorya: Mahimo ka nga makabuhat og talagsaong mga butang, bisan pila pa imong pangidaron! Si Timoteo usa ka batan-on nga lider sa Simbahan, ug si Pablo mitudlo kaniya aron mahimong usa ka maayong ehemplo (tan-awa sa 1 Timoteo 4:12–16). Unsaon ninyo nga mahimong usa ka lider ug motabang niadtong anaa sa inyong palibot?

Awit: “Si Jesus Buot nga Ako Mahimong Bidlisiw” (Songbook sa mga Bata, 38–39)

Kalihokan: Manglingkod nga mag-alirong. Gamita ang inyong mga kamot o mga tukog aron sa pag-tap og mga ritmo diha sa yuta. Usa ka tawo mo-tap og mubo nga ritmo, ug ang tanan mokopya. Pagpuli-puli nga mahimong lider. Human sa inyong turno, mosaysay og panahon sa dihang kamo nahimong maayo nga ehemplo ngadto sa uban.

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.

Mga paghulagway pinaagi ni Katy Dockrill