Pagkab-ot sa Akong mga Tumong

Ni Erica A., edad 8, Central Region, Ghana

Niadtong batan-on pa ko, dili ko kahibalo mobasa. Nag-ampo ko sa Langitnong Amahan sa pagtabang kanako. Nagsugod ko og kat-on sa mga vowel ug mga consonant. Sa tabang sa Langitnong Amahan, makabasa na ko karon og maayo.

Karon ang akong edad otso anyos na. Ako gusto nga mobasa sa Basahon ni Mormon ug sa Higala nga magasin. Nag-andam ko nga mabunyagan pinaagi sa pagbasa sa magasin mahitungod sa pakigsaad sa pagbunyag. Ang adlaw nga nabunyagan ko mao ang labing nindot nga adlaw sa akong kinabuhi!

Ang akong mga ginikanan, presidente sa Primary, ug bishop nag-awhag kanako sa pagkat-on ug pag-uswag. Ang akong bishop nangutana kanako matag semana kon unsay akong nakat-onan gikan sa Basahon ni Mormon. Naghimo usab ako og mga tumong uban sa Giya nga Basahon sa Kabataan. Ang pipila sa mga tumong nga akong gihimo mao ang pagbasa sa mga kasulatan matag adlaw, pag-ampo kanunay, pagsipilyo kaduha sa usa ka adlaw, ug pagbuhat sa mga kalihokan diha sa Higala nga magasin.

Ang akong igsoong lalaki ug ako dungan usab nga naghimo og usa ka tumong. Miapil kami sa stake choir. Kami ang pinakabata nga mga sakop! Ganahan kami mokanta og mga himno.

Ganahan kong motrabaho sa akong mga tumong. Mapasalamaton ko sa akong Langitnong Amahan alang sa Iyang tabang.