Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

alt text

Alang sa Mga Taga-Efeso

Hangyoa ang inyong gagmay nga mga bata sa pagngalan og mga bata sa Primary. Tudloi sila nga ang mga klasmeyt sa simbahan mga higala. Tabangi sila nga magdrowing og mga hulagway sa ilang mga higala sa simbahan.

Alang sa Mga Taga-Filipos; Mga Taga-Colosas

Pakit-a ang inyong gagmay nga mga bata og hulagway sa atong propeta. Ipasabot nga ang propeta nag-ampo kada adlaw. Pangutan-a ang inyong gagmay nga mga bata, “Unsa kaha sa inyong hunahuna ang iyang giampo?” Tabangi ang inyong gagmay nga mga bata nga masayod nga ang propeta nahigugma kanila ug nag-ampo alang kanila!

Alang sa 1 ug 2 Mga Taga-Tesalonica

Tudloi ang inyong gagmay nga mga bata nga si Jesukristo moanhi pag-usab sa yuta. Ang Iyang Ikaduhang Pag-anhi mahimayaon! Tabangi ang inyong gagmay nga mga bata nga mokanta sa “Kon Siya Moanhi Pag-usab” (Songbook sa mga Bata, 46–47).

Alang sa 1 ug 2 Timoteo; Tito; Filemon

Hatagi ang inyong gagmay nga mga bata og mga kasulatan nga gunitan. Ipasabot nga ang mga kasulatan espesyal kaayo tungod kay kini nagtudlo mahitungod ni Jesukristo. Ipha kon pila ka higayon nga si Jesus nahisulat diha sa 2 Timoteo 1–2. (Adunay 10 ka beses.)