Paghinumdom kang Lola

Ni Dayle Searle

(Gibase sa usa ka tinuod nga istorya)

Tungod ni Jesukristo, kitang tanan mabanhaw.

Kini nga istorya nahitabo sa Mexico.

Illustrations about a family in Mexico gathering things together to remember their grandma who died. A girl named Lyan is holding a picture in a frame of grandma. There are two little sisters at the table. One of them, named Megan, has a bottle of soda that reminds her of grandma. There mother is holding a plate of “pan de muerto” (sweet bread made for Day of the Dead). Lyan thinks about hugging her grandmother.

Karon mao ang unang adlaw sa mga pagsaulog alang sa Día de Muertos, o Adlaw sa mga Patay. Usa kadto ka espesyal nga panahon sa paghinumdom sa mga minahal kinsa mipanaw na. Si Lyan kanunay malipay nga makadungog og mga sugilanon mahitungod sa iyang pamilya. Siya mibati nga daw anaa ra sila uban kaniya, bisan og wala pa siya nakaila kanila.

Apan kini nga tuig lahi. Ang lola ni Lyan wala na dinha aron sa pagsaulog uban kanila. Siya namatay pipila ka buwan na ang nakalabay. Kining higayona, si Lola mao ang usa sa mga miyembro sa pamilya nga ilang mahinumdoman og dungan.

Si Lyan mikab-ot ug mihikap og hinay sa litrato ni Lola diha sa ofrenda [halad]. Siya ug ang iyang mga igsoong babaye, sila si Megan ug Leilani, nag-andam niini og maayo sa tibuok semana. Mainampingon nilang gidekorasyonan ang lamesa. Ilang gibutang ang mga litrato sa ilang mga sakop sa pamilya. Ug nagbutang usab sila og mga butang aron mahinumdoman ang ilang mga minahal dinha sa ofrenda.

Si Megan mibutang og usa ka botelya sa soda diha sa lamesa.

“Ganahan kaayo si Lola niini nga klase sa soda,” miingon si Megan. “Kinahanglan gyod nga kabahin kini sa ofrenda sa atong pamilya.”

Nahinumdom si Lyan nga mibisita sa ilang lola ug nanginom og soda uban kaniya. Mangutana si Lola kanila ug maminaw sa ilang mga istorya. Kini mao ang hingpit nga butang aron sa pagtabang kanila sa paghinumdom kaniya. Sa dihang nakita ni Lyan ang soda, nakapahimo kini kaniya nga gustong mahimo nga maayong tigpaminaw sama ni Lola.

Misulod si Mamá sa lawak nga may plato sa pan de muerto. Ang mga igsoong babaye ni Lyan misugat niya, nangayo aron motilaw og usa ka piraso. Usa kini ka klase sa tam-is nga pan nga gikaon sa mga tawo sa tibuok Mexico alang sa Adlaw sa mga Patay [Día de Muertos].

“Mangaon kita niini unya,” miingon si Mamá. “Sa pagkakaron kini nga plato dinhi lang sa ofrenda tapad sa litrato ni Lola.” Iya kining gibutang sa lamesa. “Nindot kaayo kini tan-awon! Karon maghulat na lamang kita ni Papá nga mouli gikan sa trabaho.” Siya ug ang mga batang babaye milingkod sa sopa aron maghulat.

“Gimingaw ko ni Lola,” miingon si Lyan. “Maayo unta makakita ko niya pag-usab karon dayon.”

Gigakos ni Mamá og hugot si Lyan. “Nakahibalo ko. Gimingaw usab ko niya. Nakatabang kanako nga makahibalo nga tungod ni Jesukristo, kitang tanan mabanhaw. Ug tungod kay naselyo man kita sa templo, kitang tanan magkauban isip usa ka pamilya sa umaabot.”

Ang mga pulong ni Mamá nakapalipay ni Lyan. Naghunahuna siya nga magkita ni Lola og usab ug mogakos kaniya og maayo.

Illustrations about a family in Mexico gathering things together to remember their grandma who died. A girl named Lyan is holding a picture in a frame of grandma. There are two little sisters at the table. One of them, named Megan, has a bottle of soda that reminds her of grandma. There mother is holding a plate of “pan de muerto” (sweet bread made for Day of the Dead). Lyan thinks about hugging her grandmother.

Naabli ang pultahan, ug misulod si Papá. Nalipay si Leilani.

“Nauli na si Papá! Oras na para sa pan de muerto ug init nga tsokolate!” Miingon si Megan.

“Ug magsugilon bahin kang Lola!” Miingon si Lyan. Kanunay siyang mingawon kang Lola, apan nalipay siya nga adunay mga butang nga iyang mahimo sa paghinumdom kaniya. Nahibalo siya nga tungod ni Jesukristo, makakita siya pag-usab kang Lola sa umaabot.

istorya nga naa sa PDF

Mga paghulagway pinaagi ni Liz Brizzi