“Taian Ben ao Kabwianibwai,” Te Rao, Nobembwa 2023, 8–9.
Koreaki Iroum
Taian Ben ao Kabwianibwai
Mauri! Arau bon Avehei. I maeka i Tahiti! Iaon abau, I tatangiria n mena itinaniku,. I nako n ririanna ao n tebotebo n te karaanga ke i taari. I tatangiria ni karaoi mwakuri ma au utu. I tatangiria ni kuuka, takakaro n te kaati, ao n rianna. I tatangiria n takakaro n te booro, tamwarakei aroka ma tariu ao ai tariu.
N te motirawa n te tiamwa, I mwakuri ma tariu n ana buakonikai n nii. Ti bobotii taian ben ao ni kabwarikoa. Ti booti naba baanii ake a bwata bwa e aonga ni itiaki te buakonikai n nii.
Tibutorura te unimwaane e kaboiira ngkana ti mwakuri n te buakonikai n nii. I kakabwaka au kabwianibwai man te mwane are I karekea. I reiakinna mairouia au utu ao au tia reirei n te Moanrinan aron kabwakaan te kabwianibwai.
I kabwaka au kabwianibwai bukina I ataia bwa au utu ao ngai ti kakabwaiaki ngkana ti ongotaeka. I kakabwaiaki ma au utu, ara auti, ao te aonaaba ae tamaroa ae katobibiai.
I kakoaua bwa te Atua e maiu ao E tangirai. I karabwa Tamau are i Karawa ibukin au utu ae E anganai.