“Rongorongo man te Maungatabu,” Te Rao, Nobwmbwa 2023, 4.
Rongorongo man te Maungatabu
Taeka aika a Anaaki man te Maungatabu
Matakuakinan te Maungatabu ni kabuta te Aonaaba
Tamnei
Te ataeinaine ae moangare
Ibukin kaokoron te tai, ti mataku n taian tetere ake bwain te ingabong n te tairiki. Ti rangi ni kukurei ngke e katanoatai tembora aika a boou Beretiteni Nelson!
Sofia D., 11 ana ririki, Bratislava Region, Slovakia
Tamnei
Te ataeinaine ae moangare
Ti katauraoi ibukin te maungatabu n nakora ni kabooi tabeua ara bwai ni matamtam ao n rawei motirawara bwa ti aonga n aki matuutu n nuukan te maungatabu. Ti tataro n ara utu bwa ti na anganaki te atatai ao ni wareki booki aika tabu. I rangi ni kukurei n tainako n ongo iroun te burabeti ae maiu ao n ongo ana taeka te Atua.
Runakorwashe S., 7 ana ririki, Southern Region, Malawi
Tamnei
Te ataeinimwaane ae moangare
Matakuakinan te maungatabu e karikai bwa N na kaan riki nakon Iesu Kristo. Bon te tia Kaawakin Tiibu ae Raoiroi, ao E tabeakiniira, ngair aika Ana tiibu. N tabeti ao ti tionako n ae raroa, ma E roroko ni kakaaeira n tainako.
Efrain C., 9 ana ririki, San Juan Province, Argentina
20 Tembora!
Iai 20 mwaitin tembora aika a boou ake a katanoataaki n te maungatabu! Kabongana te mwabe ni kakaei taabo ibukin tembora aika a boou. Karana te tabo are akea kanoana i nanon rabwatan te tembora ngkana ko kunei n tatabeua.
Savai’i, Samoa
Cancún, Mexico
Piura, Peru
Huancayo, Peru
Viña del Mar, Chile
Goiânia, Brazil
João Pessoa, Brazil
Calabar, Nigeria
Cape Coast, Ghana
Luanda, Angola
Mbuji-Mayi, Democratic Republic of the Congo
Laoag, Philippines
Osaka, Japan
Kahului, Hawaii, USA
Fairbanks, Alaska, USA
Vancouver, Washington, USA
Colorado Springs, Colorado, USA
Tulsa, Oklahoma, USA
Roanoke, Virginia, USA
Ulaanbaatar, Mongolia
Kabwianibwai ao Angabwai
N te maungatabu, ti reiakin tabeua kawai are e kabonganai iai mwanen ara kabwianibwai te Ekaretia ao angabwai ni kakabwaiaiia aomata ni kabuta te aonaaba!
N te ririki ae nako, e riaon riki 1 te birion te mwane n Amerika ake a kabonganaaki ni kakabwaiai maiua koraki ake a rootaki n te kainnano.
Iai riki 54 te mirion te mwane n Amerika are e buokiia tiina ao ataei ake a rootaki n te kainnano.
Te kabwianibwai e ibuobuoki ni boutokaa te mwaiti ae riaon riki 71,000 mitinare ake a beku i nanon 414 te mition.
E ibuobuoki naba te kabwianibwa n tararuaia 30,000 kaain te taromauri i nanon 195 aaba ao taabo ake a tautaekanaki.
Reirei ibukin te Maiu mairoun te Burabeti
E a koro 99 ana ririki ni maiu Beretitenti Nelson n te ririki aei! I nanon ana marooro, e tibwai tabeua reirei ake e a tia n reiakinna i nanon maiuna ae kaan 100 te ririki. Rairia nakon iternaiba 2 ni wareka ana angareirei.