Nakomai, Iriirai Waaki ni Kakukurei ibukiia ake a Uarereke Riki,” Rao, Nobembwa 2023, 49.
Nakomai, Iriirai Waaki ni Kakukurei ibukiia Aika a Uarereke
Ibukin Ebera 1–6
Aongkoa kam kaai ni borau n te kaibuke. Kam na kanga n ataia bwa kam mwananga nakea? Marooro bwa e kanga Iesu Kristo n riki bwa kanga te kaaben (taraa Ebera 2:10). Ngkana ko kakoaua i Rouna, E kona ni kairiira ni kawakiniira rinanon maiura.
Ibukin Ebera 7–13
Anenea “Faith” (Aia Boki n Anene Ataei, 96–97). Marooro bwa ti kanga ni kaota ara onimaki ngkana ti onimakina te Atua ao n iriirakin Iesu Kristo.
Ibukin Iakobo
Kaai ni karaoa te amwarake ibukimi. Inanon tain kukanakina, titiraki, “E kangaanga namakinan te tataninga?” Te tataninga e aki bebete. Ma ngkana ti tataninga ibukin bwaai aika a tamaroa aika a na roko—n aron ana kakabwaia te Atua—e na bon materaoi n taainako tataningaana.
Ibukin te 1 ao 2 Betero
Kairiia am ataei aika a uarereke nako tinaniku. Te bong aei e riringa? Te bong ni kakarau? Iangoa te bwai teuana ae ko kona ni karaoia bwa ko na kukurei n kanoan te bong. Reireia bwa ti kona ni karekea te kukurei, e ngae ngke tera ae riki irarikira.
Ibukin 1–3 Ioane; Iuta
Anaa abwakiia natim aika a uarereke. Reireia bwa n aron rikiraken te tia Kamaiu, E karaoi rinerine aika raraoi ni katoa bong. Titirakinia bwa a na taekina aia rinerine ae tamaroa ae a tia ni karaoia n te bong aei. Buokiia n taekina, “I ikawai rake, n ai aron Iesu!”