Nakomai, Iriirai Waaki ni Kakukurei,” Rao, Nobembwa. 2023, 10–11.
Nakomai, Iriirai Waaki ni Kakukurei
Ibukin bootakin te utu n te tairiki ke kamatebwaian booki aika tabu— ti ibukin te kaungaunga!
Iesu Kristo Bon Te Tia Kairiira
Ibukin Ebera 1–6
Kamataata n te tamnei iroun Katy Dockrill
Karaki: Iesu Kristo bon “te kaabe ibukin kamaiua[ra]” (Ebera 2:10). Te kaaben e kaira te kaibuke i taari. E kona naba Iesu ni kairiira nako karawa bwa ti aonga ni maiu ma Ngaia n te bong teuana!
Anene: “I Kainanoiko Ngai” (Boki n Anene n taromauri, nambwa. 13)
Te Waaki ni Kakukurei: Korea tamnein te booti iaon naao. Imwiina korea ke marooroakin kawai ake ko kona ni iriira iai Iesu Kristo. E kanga ni kairiko inanon maium?
Taan Tokanikai n te Onimaki
Ibukin Ebera 7–13
Karaki: A taekinaki ni booki aika tabu bwa nanon te onimaki bon kakoauan bwaai ake ko aki kona n noori (taraa Ebera 11:1). Ebera 11 taekinaki karakinaia aomata aika a mwaiti ake taan onimaki. Te onimaki iroun Iesu Kristo e anganiira te rau ao te ninikoria.
Anene: “Faith” (Aia Boki n Anene Ataei, 96–97)
Waaki ni Kakukurei: Karuoruo n rinea ami boto man booki aika tabu n Ebera 11. Ni kabane ana titiraki bwa a na kona ni keetina te boto. E na kanga n reke am onimaki n ai aroia aomata ake ni booki aika tabu?
Te Takakaro ae te Nakonako ni Uaakina te Wae
Ibukin Iakobo
Karaki: E reirei te Abotoro Iakobo bwa ti riai ni buokia ake a kainnano (taraa Iakobo 1:27). Antai ae e kainnanoa am ibuobuoki?
Anene: “When We’re Helping” (Aia Boki n Anene Ataei, 198)
Waaki ni Kakukurei: Kabobiri! Karaoa te tabo ni moan waaki ao te tia. Imwiina mwaing nakon te tia man uaakinan waem n aki tabekia. Te moanna n te kabobiri e na rinea te beku ae bebete ibukin karaoana n te kurubu, n aron kanakoan rongorongo n akoi nakon temanna ke kawaran temanna ae titiku n tii ngaia .
Ibuobuoki ibukiia Ara Bakatibu
Ibukin 1 ao 2 Betero
Karaki: A kona n reiakina te euangkerio ara bakatibu imwiin mateia (taraa 1 Betero 4:6). Inanon te tembora ti kona ni bwabetito ibukiia ao ni buokia bwa a na iriira Iesu Kristo!
Anene: “Family History—I Am Doing It” (Aia Boki n Anene Ataei, 94)
Waaki ni Kakukurei: Kabonganai bwaai aika a matoa ke tioka aika a baoki ni katea te temple. Ko na kanga ni katauraoi n rin te tembora?
Anga te Tangira
Ibukin 1–3 Ioane; Iuta
Karaki: E tangiriira ni kabane Tamara are i Karawa! E reireiniira te Abotoro Ioane bwa ti na tangiriia aomata naba (taraa 1 Ioane 4:19, 21). Ko na kanga ni kaota te tangira nakoia aomata?
Anene: “Where Love Is” (Aia Boki n Anene Ataei, 138–39)
Waaki ni Kakukurei: Nakon iteraniba 12 karaoan te aati man te (beeba). Imwiina anga taian aati nakoia aomata ake ko tangiriia!