“Mauri mai Indonesia!” ”Te Rao, Nobembwa 2023, 18– 19.
Mauri mai Indonesia!
Reiakina rongorongoia natin Tamara are i Karawa ni kabuta te aonaaba.
Indonesia bon te aba i Maiakimainikun Atia. Iai atimwakorona ae e raka iaon 17,000! E nakon 280 te mirion aomata aika a maeka ikekei.
Te Ekaretia ae Rikirake
E kawaria membwa Beretitenti Russell M. Nelson n atuun kawana, Jakarta, n 2019. N te maungatabu ni kabuta n Eberi 2023, e katanoata bwa e na kateaki te tembora ikekei!
Taabo n Nebonebo
Indonesia bon te tabo ae te kabanea ni bubura iai aia tabo n tataro Islamic i Atia Maiakimainiku. Iai naba te kabanea ni bubura n tembora ibukiia Buddhist n te aonaaba.
Te Warekano ae Buru!
A mwaiti riki warekano aika a maiu iaon Indonesia nakon aba ni kabane. Te warekano ae Kawah Ijen a buru urana ae a kona n nooraki n te bong.
Ko Bwaati n Taetae n au Taetae?
Indonesian bon te taetae ae bwainaki. Ma e raka iaon 700 mwaitin taetae aika a kabonganaaki i Indonesia! Aia kibu ni koora n abaia nanona “Mwaiti, ma ti teuana” ni kaotia bwa a nano teuana.
Abaia Raakon
Te raakon ae Komodo bon te kabanea ni bubura ni beru n te aonaaba. A kona n rikirake nakon te 10 te buuti (3 m) abwakina!
Kamataata n te tamnei iroun Conner Gillette