“Temanna ae Ota,” Te Rao, Nobembwa 2023, 26– 27.
Temanna Ae Ota
Raraon Blair aki ota n aron reken te aoraki ae aorakin te kanoannano.
E riki te karaki aei i Amerika.
“I aki kona n roko n te bong aei,” e taku Blair. E namakina te abuee ni moana bwa e rotia te maamaa.
A taraia raraona. “Ma ko taku bwa ko na roko!” E taku Sammy.
“I ataia.” E baraaki n taraa waena Blair. “I aki rangi n marurung. Kabwara au bure.”
“Anne naba am taeka n ae nako,” e taku Jessica.
“E aki ataia Blair bwa tera ae e na taekinna. E rio n ana iango bwa e kan nakon ana auti Sammy. Ma e rangi ni maraki biritona n te bong aei. E tangiria n oki nakon mwengana ao n motirawa.
E reke aorakin te kanoannano iroun Blair. E karika marakin biritona, ao e rangi ni maraki. N angiin te bong ao e na maraki biritona n ae bon tau. Ni boong tabeua e a rangi ni korakora marakina nakon boong ake tabeua. N te bong aei ai bon aron boong ake a rangi korakora marakina iai. E iangoia bwa tera ngke e kona ni rinei boong ake e na rangi ni maraki iai. Taraan ae roroko marakin biritona n taai are e na tangiria ni karaoa te bwai ae kakukurei.
“Tia nako,” E taku Sammy nakon Jessica.
Ngke e roko n ana auti Blair, e nima ana bwai n aoraki. Imwiina ao ea kataia ni matu. Ma e rangi ni korakora marakina.
A roko n nooria Tinana ao Tamana. E tekateka Dad n te kainiwene. “Ko uara?”
“E RAOIROI. “E buokai teutana au bwai n aoraki,” e taku Blair.
“I nanokawaki ngkai e aki reke nakom nakon ana auti Sammy, e taku Tinana.
E namakina ranimatana Blair. E bon aki raoiroi! A aki ota raraou n aron te aoraki aei.” E karea te o n te uninga Blair. I tangiria n marurung.”
E koona Blair Tamana. “I ataia. “Ko kainnanoa te kakabwaia n te nakoanibonga?”
E katoutoua atuuna Blair. Kakabwaia a bubuokia n namakina riki te rau.
E katoka baina Tamana iaon atuun Blair ao ni kakabwaia bwa e na rau ao namakina te mwengaraoi. Bon te kakabwaia ae tamaroa. E buokia n kauringnga bwa e tangiraki iroun Tamana are i Karawa. Ma e bon namakina te nanokawaki naba ibukiia raraona.
Imwiin te kakabwaia, Tamana ao Tinana a kaboria ma ngaia imwain matuuna. A kitanna bwa e aonga ni matu.
E wene Blair ao ni kamakii matana. E buokia te kakabwaia, ma e bon maraki naba.
E katorobubua irarikin ana kainiwene ao e tataro. Ngke e tataro ao bon ti tearona ma ana tataro ake mai imwaaina. E tuanga Tamana are i Karawa bwaai ake e kakaitau iai ao n bubuti bwa e na marurung. Ma n te tai aei ao e a reitinako ana tataro.
“Tamau are i Karawa, I rangi n nanokawaki. I aaki mena i rarikiia raraou,” e taku. “I namakinna ae ti ngai. Akea ae ota ni marakiu ae korakora ni katoa bong. Ai tiaki aron are e ririki ngkoa imwain ae I aoraki.”
Abwabwakin ana tataro Blair, e a karekea te namakin ae korakora bwa Tamana are i Karawa e ongo ana tataro . E aki ongo ke n Nooria, ma e namakina Ana tangira. E ataia bwa E ongo n ana taeka ake e taekinna. E aki tangiria Blair bwa e na bua te namakin are irouna.
E tataro Blair ni karokoa e tia n tuanga Tamana are i Karawa bwaai ni kabane ake e namakin. Imwiina e a roko te iango n ana kaantaninga. Tao aki ataia raraon Blair bwa tera aron aorakin te kanoannano, ma Tamana are i Karawa ao Iesu Kristo a ota iai. A ataa korakoran marakina ao ana namakin n akea raona. A bon tatauraoi ni mena irarikina.
E namakinna Blair ae kanga e bon karekea te inga ae bubura. Imwin banen ana tataro, e nakoia ana karo ao n tuangiia te bwai are e riki.
“Ko miroaroa?” E titiraki Tinana.
E wiingare Blair. “I aki. I tia n tataro!”
E taraa ni miimi Tinana. “Ti bon kabo ma ngke tabeua te tai n nako. “Ko tataro imwiin anne?”
E rangi ni maan? E katoutoua atuuna Blair. “Ai aron ae te inga ae bubura. Tamara are i Karawa ao Iesu Kristo a ataa au namakin. Ibukina iai ngaiia, I aki namakina te maroaa!”
Kamataata n te tamnei iroun Tammie Lyon