“E katauraoi Akoni ibukin te Tembora,” Te Rao, Nobembwa 2023, 36–37
E katauraoi Akoni ibukin te Tembora
Kaitobo ma Akoni ao reiakina arona bwa e kanga ni katauraoia nakon te tembora.
12 ana ririki Akoni. E maeka i New Mexico, USA n te Aono ae Navajo. Te tabo aio bon aonon te United States ae tautaekanaki irouia kaain Navajo. E raka iaon 250,000 aomata aika a maeka ikekei.
Ngke e uarereke Akoni, e mamatakuakiniia tarina ma mwanena n nakon te Bootaki n Ataeinaine ao Ataeinimwane.
E noora naba kukureia ngke a nakon te tembora. E ingainga nanon Akoni ni kan roko n te tembora naba.
E katauraoia Akoni ibukin te Bootaki n Ataeinimwaane man kaekaean te taromauri ao maroorona ma ana utu.
E titiraki ibukin te tembora bwa e aonga n tauraoi n rin inanona.
“E nako nanou n te moan tai ngke I nakon te tembora,” e taku Akoni. “Ma ngke I a rin n te tembora, I namakina te mano.”
Te kabanea ni kaan n tembora nakon Akoni bon te Tembora i Albuquerque New Mexico. Bon aua te aoa raroan kaeana. E bon kukurei Akoni bwa te tembora are iaon kawaina ni kateaki e na rang kaan riki ma ngaia.
E kaantaningaia Akoni bwa e na karaoa ana mwakuri ni mitinare n te bong teuana, n ai aroia tarina ao mwaanena ae a ikawai.
E a tia ni moana tibwaakin te euangkerio man kaoakiia raraona nakon te taromauri. E tangiria n riki bwa te katooto nakoia tarina ao aomata naba!
Atiibu aika a rietaata n te tamnei aei a aranaki bwa “wings of the rocks” E kakaawaki te tabo aio irouia kaain Navajo.