“ʻUlu Niú mo e Vahehongofulú,” Kaumeʻa, Nōvema 2023, 8–9.
Tohi ʻe Koe
ʻUlu Niú mo e Vahehongofulú
Mālō e Lelei! Ko hoku hingoá ko ʻAvehei. ʻOku ou nofo ʻi Tahiti! ʻI hoku motú, ʻoku ou saiʻia ke nofo ʻi tuʻa. ʻOku ou kaka moʻunga mo kaukau ʻi he vaitafé pe tahí. ʻOku ou fiefia foki ʻi hono fakahoko ha ngaahi meʻa mo hoku fāmilí. ʻOku ou saiʻia ʻi he feimeʻatokoní, vaʻinga keimi kātí, mo e kaka moʻungá. ʻOku ou saiʻia ʻi he vaʻinga soká mo e kakakaka ʻi he ʻuluʻakaú mo hoku tuongaʻané mo e ngaahi kāsiní.
ʻI he tutuku ʻo e faʻahitaʻu māfaná, ʻoku ou ngāue mo hoku tuongaʻané ʻi ha faama niu. ʻOkú ma tufi ʻa e niú pea fokotuʻu ʻi ha fuʻu fokotuʻunga lahi. ʻOkú ma tānaki foki ʻa e ʻū lauʻiniu mōmoá koeʻuhí ke maʻa ʻa e faama niú.
ʻOku totongi kimaua ʻe heʻema kui tangata hono uá ʻi he taimi ʻokú ma ngāue ai ʻi he faama niú. ʻOku ou totongi maʻu pē ʻeku vahehongofulú ʻaki ʻa e paʻanga ʻoku ou maʻú. Naʻá ku ako mei hoku fāmilí mo e kau faiako Palaimelí ʻa e founga ke totongi ʻaki ʻa e vahehongofulú.
ʻOku ou totongi vahehongofulu koeʻuhí ʻoku ou ʻiloʻi ʻoku tāpuekina au mo hoku fāmilí ʻi he taimi ʻoku ou talangofua aí. ʻOku tāpuekina au mo hoku fāmilí, ʻaki ha fale, mo ha māmani fakaʻofoʻofa ʻokú ne ʻātakaiʻi au.
ʻOku ou ʻilo ʻoku moʻui ʻa e ʻOtuá pea ʻokú Ne ʻofa ʻiate au. ʻOku ou fakamālō ki he Tamai Hēvaní koeʻuhí ko e fāmili kuó Ne foaki maí.