“ʻOku Pehē ʻe Sēmisi ‘Kole ʻe Ia ki he ʻOtuá,’” Kaumeʻa, Nōvema 2023, 46–47.
Ngaahi Talanoa Mei he Folofolá
ʻOku Pehē ʻe Sēmisi “Kole ʻe Ia ki he ʻOtuá”
ʻŪ tā fakatātā ʻa Apryl Stott
Naʻe hoko ʻa Sēmisi ko ha ʻAposetolo. Naʻá ne akoʻi ʻa e niʻihi kehé fekauʻaki mo Sīsū Kalaisi. Naʻá ne fai ha tohi ki he kakai naʻe tui kia Sīsuú.
ʻI he tohi ʻa Sēmisí, naʻá ne akoʻi ai ʻa e kakaí ke nau lotu. Naʻá ne talaange ke nau maʻu ʻa e tuí. Naʻá ne talaange te nau lava ʻo kole ki he ʻOtuá ke ʻiloʻi ʻa e meʻa ʻoku moʻoní.
Hili ha ngaahi taʻu ʻe laungeau mei ai, naʻe lau ʻe Siosefa Sāmita ʻa e tohi ʻa Sēmisí ʻi he Tohi Tapú.
Naʻá ne fehuʻi ki he ʻOtuá pe ko e fē ʻa e siasi ke kau ki aí.
Naʻe tali ʻa e lotu ʻa Siosefá! Naʻe hā ʻa e Tamai Hēvaní mo Sīsū Kalaisi kia Siosefa Sāmita. Naʻá Na tokoni kiate ia ke fakafoki mai ʻa e Siasi ʻo Sīsū Kalaisí ki he māmaní.