“Ngaahi Fakamatala ʻo e Konifelenisí,” Ko e Kaumeʻá, Nōvema 2023, 5.
Ngaahi Fakamatala ʻo e Konifelenisí
Tokoni mei he Laumālie Māʻoniʻoní
Naʻe pehē ʻe Palesiteni ʻAealingi ʻokú ne ongoʻi ʻoku fakalotolahiʻi ia ʻi he taimi ʻokú ne lau ai ʻa e talanoa ʻo hono maʻu ʻe Nīfai ʻa e ʻū lauʻi peleti palasá meia Lēpaní. Naʻe ʻikai ke ʻiloʻi pau ʻe Nīfai ʻa e meʻa ke faí, ka naʻe tataki ia ʻe he Laumālie Māʻoniʻoní ʻi he momeniti kotoa pē. ʻI he taimi ʻoku kole mai ai ʻe he ʻEikí ke tau fai ha meʻa faingataʻá, ʻe tokoniʻi foki kitautolu ʻe he Laumālie Māʻoniʻoní.
ʻOku akoʻi au ʻe he meʻá ni:
Manatuʻi Ko Hai Koe
Naʻe fakaafeʻi kitautolu ʻe ʻEletā Sitīvenisoni ke tau kiʻi tuʻu ʻi he taimi kotoa pē ʻoku tau sio ai kiate kitautolu ʻi ha sioʻata ʻo pehē, “Mani ē, sio kiate au! ʻOku ou fakaofo! Ko e fānau au ʻa e ʻOtuá! ʻOkú Ne ʻafioʻi au! ʻOkú Ne ʻofa ʻiate au!” ʻE tokoni hono fai ʻení ke tau manatuʻi ai ko hai moʻoni kitautolu pea mo e founga ʻe lava ke tokoniʻi kitautolu ʻe he ʻOtuá mo e Laumālie Māʻoniʻoní.
ʻOku akoʻi au ʻe he meʻá ni:
Tui kia Sīsū Kalaisi
Naʻe vahevahe ʻe ʻEletā Kositā ʻa e talanoa ʻo e taimi naʻe lolomi ai ʻe Sīsū Kalaisi ʻa e matangí. ʻOku tau maʻu kotoa pē ha ngaahi matangi, pe ngaahi pole ʻi he moʻuí ʻoku faingataʻa. Ka he ʻikai ke tau teitei fehangahangai toko taha mo kinautolu. ʻE ʻomi ʻe heʻetau tui kia Sīsū Kalaisí ʻa e mālohi mo e nonga ʻoku tau fiemaʻú ke fehangahangai ai mo ha faʻahinga matangi pē.
ʻOku akoʻi au ʻe he meʻá ni:
ʻAʻeva mo Ia ʻi he Halá
Naʻe fai ʻe Palesiteni Filīmeni ha talanoa fekauʻaki mo e taimi naʻá ne fakaʻamu ai ke ʻaʻahi ki ha hala makehe, neongo naʻe lavea hono vaʻé. Naʻe ʻikai ke ne lava ʻo lue toko taha ʻi he halá, ko ia naʻe tokoniʻi ia ʻe he tokotaha faifakahinohino ʻo e halá. Hangē ko e fakahinohino ʻa Palesiteni Filīmení, ʻe tokoniʻi kitautolu ʻe Sīsū Kalaisi ʻi ha faʻahinga faingataʻa pē ʻi heʻetau feinga ke tauhi ʻetau ngaahi fuakavá.
ʻOku akoʻi au ʻe he meʻá ni:
ʻŪ tā fakatātā ʻa Josh Talbot