“Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí,” Kaumeʻa, Nōvema 2023, 49.
Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí
Ki he Hepelū 1–6
ʻAi ke pehē pē ʻoku mou folau fakataha ʻi ha vaka. Te mou ʻilo fēfē nai ʻa e feituʻu ke ʻalu ki aí? Talanoa fekauʻaki mo e founga ʻoku tatau ai ʻa Sīsū Kalaisi mo ha ʻeikivaká (vakai, Hepelū 2:10). ʻI he taimi ʻoku tau tui ai kiate Iá, te Ne lava ʻo tataki kitautolu ke tau malu ʻi he kotoa ʻo ʻetau moʻuí.
Ki he Hepelū 7–13
Hivaʻi ʻa e “Ko e Tuí” (Tohi Hiva ʻa e Fānaú, 50). Talanoa fekauʻaki mo e founga ʻoku fakahaaʻi ai ʻetau tuí ʻi he taimi ʻoku tau falala ai ki he ʻOtuá pea muimui ʻia Sīsū Kalaisí.
Ki he Tohi ʻa Sēmisí
Ngaohi fakataha ha kiʻi fakaneifua. Lolotonga ʻa e feimeʻatokoní, fehuʻi ange, “ʻOku ongo faingataʻa nai ke tatali?” ʻOku ʻikai faingofua ʻa e tatalí. Ka ʻi he taimi ʻoku tau tatali ai ki ha ngaahi meʻa lelei ke hoko maí—hangē ko e ngaahi tāpuaki ʻa e ʻOtuá—ʻe ʻaonga maʻu pē ia.
Ki he 1 mo e 2 Pita
ʻAve hoʻo fānau īkí ki tuʻa. Ko ha ʻaho laʻā nai ia? Ko ha ʻaho ʻuhoʻuha nai? Fakakaukau ki ha meʻa te ke lava ʻo fakahoko ke mou fiefia ai ʻi he tuʻunga ʻo e ʻeá. Akoʻi ange te tau lava ʻo fiefia, neongo pe ko e hā ʻa e tūkunga ʻo e ngaahi meʻa ʻoku nau ʻātakaiʻi kitautolú.
Ki he 1–3 Sione; Sute
Fua ʻa e māʻolunga hoʻo fānau īkí. Akoʻi ange ʻi he tupu hake ʻa e Fakamoʻuí, naʻá Ne fakahoko ha ngaahi fili lelei ʻi he ʻaho kotoa pē. Kole ange ke nau tala atu ha fili lelei naʻa nau fakahoko ʻi he ʻahó ni. Tokoniʻi kinautolu ke nau pehē, “ʻOku ou tupu hake, ʻo hangē ko Sīsuú!”