“Ko e Palani Fakaofo ʻa e Tamai Hēvaní,” Ko e Kaumeʻá, Nōvema 2023, 2–3.
Ko ha Pōpoaki Konifelenisi mei he Palōfitá
Ko e Palani Fakaofo ʻa e Tamai Hēvaní
Toʻo mei he “Fakakaukau Fakasilesitialé!” Liahona, Nōvema 2023, 115–17.
ʻOku fakaofo ʻa e palani ʻa e Tamai Hēvaní maʻatautolú. ʻOku mahuʻinga moʻoni ʻa e meʻa ʻoku tau fai ʻi he moʻui ní. Ko e Fakalelei ʻa e Fakamoʻuí ʻa e meʻa ʻokú ne ʻai ke malava ʻa e palani ʻa e Tamaí.
Naʻe mamahi ʻa e Fakamoʻuí kae lava ke Ne fakafiemālieʻi, fakamoʻui, mo fakahaofi kitautolu ʻi he ngaahi taimi faingataʻá. ʻOku hoko ʻa e palani ʻa ʻetau Tamai Hēvaní ko ha palani haohaoa koeʻuhí ko e Fakalelei taʻe-fakangatangata ʻa Sīsū Kalaisí! ʻOkú ne fakaʻatā kitautolu takitaha ke tau fili ʻa e founga te tau moʻui aí.
ʻOku ou fakaafeʻi koe ke ke kamata “fakakaukau fakasilesitiale”! ʻI he taimi ʻoku ʻi ai ai haʻo palopalemá, fakakaukau fakasilesitiale! ʻI he taimi ʻoku siviʻi ai koe ʻe he ʻahiʻahí, fakakaukau fakasilesitiale! Ko e taimi ʻoku fakamamahiʻi ai koe ʻe he moʻuí pe ngaahi ʻofaʻangá, fakakaukau fakasilesitiale!
ʻI hoʻo fakakaukau fakasilesitialé, te ke fie lotu lahi ange mo fakamātoato ange. Te ke vakai ki he ngaahi faingataʻá ʻi ha fakakaukau foʻou. ʻI hoʻo fakakaukau fakasilesitialé, ʻe tupulaki hoʻo tuí.
ʻOku moʻui ʻa e ʻOtuá. Ko Sīsū ʻa e Kalaisí. Kuo fakafoki mai Hono Siasí ke tāpuekina kotoa ai ʻa e fānau ʻa e ʻOtuá.
Fakakaukau Fakasilesitiale!
Naʻe akoʻi ʻe Palesiteni Nalesoni ʻe lava ke tokoniʻi kitautolu ʻe he fakakaukau fakasilesitialé ke tau fai ha ngaahi fili ʻoku leleí. ʻI he foʻi laʻā takitaha, tā pe tohi ai ʻa e meʻa te ke lava ʻo fai ke muimui ʻi he sīpinga ʻa e Fakamoʻuí.
Haʻu kia Sīsū, tā fakatātaaʻi ʻe Michael Malm