“Mālō e Lelei mei ʻInitonēsia!” Kaumeʻa, Nōvema 2023, 18–19.

Mālō e Lelei mei ʻInitonēsia!

Ako fekauʻaki mo e fānau ʻa e Tamai Hēvaní ʻi he funga ʻo e māmaní.

Ko ʻInitonēsiá ko ha fonua ia ʻi ʻĒsia Tonga-hahake. ʻOku ʻi ai ha ʻotu motu ʻoku laka hake ʻi he 17,000! ʻOku meimei ko ha kakai ʻe toko 280 miliona ʻoku nau nofo ʻi aí.

Ko ha Siasi ʻOku Tupulaki

Naʻe ʻaʻahi ʻa Palesiteni Lāsolo M. Nalesoni ki he kāingalotu ʻi he kolomuʻa ko Sakatá, ʻi he 2019. Pea ʻi he konifelenisi lahi ʻo ʻEpeleli 2023, naʻá ne fanongonongo ʻe langa ha temipale ʻi ai!

Ngaahi Feituʻu ʻo e Moihuú

ʻOku maʻu ʻe ʻInitonēsia ʻa e faiʻanga lotu faka-ʻIsilami lahi taha ʻi ʻĒsia Tonga-hahaké. ʻOku toe ʻi ai foki mo e temipale lahi taha ʻo e lotu faka-Putá ʻi he māmaní.

Ko ha Moʻunga Afi Lanu Pulū!

ʻOku maʻu ʻe ʻInitonēsia ʻa e ngaahi moʻunga afi kei moʻui lahi tahá ʻo laka ange ʻi ha toe fonua. ʻOku ulo lanu pulū ʻa e moʻunga afi Kaua ʻIsení (Kawah Ijen) pea ʻe lava ke mamataʻi ia ʻi he poʻulí.

ʻOkú Ke Lea ʻAki Nai ʻEku Lea Fakafonuá?

Ko e lea fakafonuá ʻa e lea faka-ʻInitonēsiá. Ka ʻoku ʻi ai ʻa e lea fakafonua ʻe 700 tupu ʻoku lea ʻaki ʻi ʻInitonēsia! ʻOku ʻuhinga ʻa e kaveinga honau fonuá ki he “Tokolahi, ka ʻoku taha” ke fakahaaʻi ʻoku nau uouangataha.

Fonua ʻo e Fanga Talākoní

Ko e fanga talākoni komotoá ʻa e fōkai lahi taha ʻi he māmaní. Te nau lava ʻo tupu ʻo aʻu ki he fute ʻe 10 (mita ʻe 3) honau lōloá.