Mālō e Lelei mei ʻInitonēsia!

Ako fekauʻaki mo e fānau ʻa e Tamai Hēvaní ʻi he funga ʻo e māmaní.

alt text here

Ko ʻInitonēsiá ko ha fonua ia ʻi ʻĒsia Tonga-hahake. ʻOku ʻi ai ha ʻotu motu ʻoku laka hake ʻi he 17,000! ʻOku meimei ko ha kakai ʻe toko 280 miliona ʻoku nau nofo ʻi aí.

Ko ha Siasi ʻOku Tupulaki

alt text here

Naʻe ʻaʻahi ʻa Palesiteni Lāsolo M. Nalesoni ki he kāingalotu ʻi he kolomuʻa ko Sakatá, ʻi he 2019. Pea ʻi he konifelenisi lahi ʻo ʻEpeleli 2023, naʻá ne fanongonongo ʻe langa ha temipale ʻi ai!

Ngaahi Feituʻu ʻo e Moihuú

alt text here

ʻOku maʻu ʻe ʻInitonēsia ʻa e faiʻanga lotu faka-ʻIsilami lahi taha ʻi ʻĒsia Tonga-hahaké. ʻOku toe ʻi ai foki mo e temipale lahi taha ʻo e lotu faka-Putá ʻi he māmaní.

Ko ha Moʻunga Afi Lanu Pulū!

alt text here

ʻOku maʻu ʻe ʻInitonēsia ʻa e ngaahi moʻunga afi kei moʻui lahi tahá ʻo laka ange ʻi ha toe fonua. ʻOku ulo lanu pulū ʻa e moʻunga afi Kaua ʻIsení (Kawah Ijen) pea ʻe lava ke mamataʻi ia ʻi he poʻulí.

ʻOkú Ke Lea ʻAki Nai ʻEku Lea Fakafonuá?

alt text here

Ko e lea fakafonuá ʻa e lea faka-ʻInitonēsiá. Ka ʻoku ʻi ai ʻa e lea fakafonua ʻe 700 tupu ʻoku lea ʻaki ʻi ʻInitonēsia! ʻOku ʻuhinga ʻa e kaveinga honau fonuá ki he “Tokolahi, ka ʻoku taha” ke fakahaaʻi ʻoku nau uouangataha.

Fonua ʻo e Fanga Talākoní

alt text here

Ko e fanga talākoni komotoá ʻa e fōkai lahi taha ʻi he māmaní. Te nau lava ʻo tupu ʻo aʻu ki he fute ʻe 10 (mita ʻe 3) honau lōloá.

ʻEkitivitī

Tā Valivali Patikí

alt text here

Ko e Patikí ko ha faʻahinga ngāue fakaʻaati ia ʻokú ne fakalanu ʻa e tupenú. Te ke lava foki ʻo fai ha meʻa pehē!

Tā ha kupesi ʻi ha laʻipepa ʻaki ha kulū vai. ʻI heʻene mōmoá, tā valivali ʻi he vahaʻa ʻo e ngaahi foʻi laine kuluú ʻaki ʻa e valivali vaí (watercolors).

Founga Feimeʻatokoní

Nasi ʻIutuki

alt text here

1. Fufulu ha laise hinehina ipu ʻe 2. Fakavai ʻa e laisé ʻi ha houa ʻe taha, pea toki huaʻi ʻa e vaí.

2. ʻI ha kulo kehe, lingi ki ai ha ipu niu ʻosi tatau ʻe ua. Tānaki atu leva ha sipaisi (clove) ʻe 2, vaʻa sinamoni (stick) ʻe 1, mo ha māsima sēpuni siʻisiʻi ʻe taha (1tsp). Heu fakataha pea tuku ke lili.

3. Tānaki atu e laisé ki he sōsí (sauce). ʻUfiʻufi pea haka ia ʻi ha miniti ʻe 15–20 ʻi he ulo siʻisiʻí kae ʻoua kuo moho ʻa e laisé.

4. Toʻo mei he sitoú pea ʻufiʻufi ʻi ha miniti ʻe 10. Seevi fakataha mo ha fuaʻimoa kuo haka, onioni fakapaku pe ko ha ngaahi meʻa kehe ʻi ʻolunga.

Fakapapauʻi ʻoku tokoni atu ha taha lahi!

Kiʻi Tokoni ki he Moʻui Leleí

Mohe Lelei ʻi he Poʻulí

ʻOku fiemaʻu ke tau mohe ka tau maʻu ha ivi ke lele, vaʻinga, mo ngāue. Feinga ke ke mohe ʻi he taimi tatau ʻi he pō kotoa pē. Fai ha meʻa ke tokoniʻi koe ke ke mālōlō kimuʻa peá ke mohé.

alt text here

ʻŪ tā fakatātā ʻa Conner Gillette