Naʻe Fakamoʻui ʻe Sīsū Kalaisi ha Tangata

Toʻo ʻa e peesi ko ʻení pea pelu ua ia. Puke hake leva ʻa e fakatātaá lolotonga hoʻo fai ʻa e talanoá.

Tā fakatātaaʻi ʻe Sam Lawlor

ʻI ha ʻaho ʻe taha, naʻe ʻafio ʻa Sīsū Kalaisi ki ha tangata naʻe kui. Naʻe pehē ʻe ha kakai ʻe niʻihi naʻe fakakuihi ʻe he ʻOtuá ʻa e tangatá ke tauteaʻi ia. “Naʻe faiangahala nai ʻa e tangatá ni? Pe naʻe faiangahala ʻene ongomātuʻá?” ko ʻenau fehuʻí ia.

Naʻe pehē ʻe Sīsū naʻe ʻikai ko ha tautea ʻa e kui ʻa e tangatá. Naʻá Ne folofola ange, “Naʻe ʻikai faiangahala ʻa e tangatá ni, pe ko ʻene mātuʻá.”

Naʻe vali ʻe Sīsū ʻa e mata ʻo e tangatá ʻaki ha ʻumea. Naʻá Ne fekau leva ki he tangatá ke kaukau ʻi ha anovai. ʻI he taimi naʻe fakahoko ai ʻe he tangatá ʻa e meʻa naʻe folofola ʻaki ʻe Sīsuú, naʻe fakamoʻui ia! Naʻe lava ʻa e tangatá ʻo sio.

Taimi ʻe niʻihi ʻoku hoko ha ngaahi meʻa faingataʻa kiate kitautolu. ʻE lava ke tokoniʻi kitautolu ʻe Sīsū Kalaisi mo e Tamai Hēvaní ke tau ako, tupulaki, mo maʻu ʻa e nongá. ʻOkú Na ʻofa ʻiate kitautolu mo Na finangalo ke tāpuakiʻi kitautolu!