Kajoor ilo Bok in Mormon

Jān Būreejtōn Russell M. Nelson

Jān “Bok in Mormon: Eļan̄n̄e en kar Ejjeļo̧k Elmen Nej Kar Mour eo Am̧? Liaona, Nob. 2017, 60–63; im “An Sister ro Bōk Koņaer ilo Aiintok Israel,” Liaona, Nob. 2018, 68–70.

N̄e ij ļōmņak kōn Bok in Mormon, ij ļōmņak kōn naan eo kajoor. Mool ko ewōr ilo Bok in Mormon ej kajoor eo n̄an kōmour, kaenōm̧m̧an, kōjepļaaktok, joļo̧k, kōkajoorļo̧k, kōjebwebweik, im kam̧ōņōņōik jetōb ko ad.

Bok in Mormon eo ej . . .

Bar juon kallim̧ur kōn Jisōs Kraist. Elōn̄ rikanaan ro raar je rekar loe Jisōs Kraist. Bok in Mormon ebar koba kamool ko aer kōn E.
Juon ļo̧o̧k in jerbal eo An n̄an armej ro rekar jokwe ilo Amedka etto.
Mool!

Ij karuwaineneik kom̧ n̄an riiti Bok in Mormon. Ilo ami riit, ij rōjan̄ kom̧ bwe kom̧win kōkkaļļeiki kajjojo eoon ko me rej kōnono ak kōmeļeļe kōn Rilo̧mo̧o̧r. Kom̧ naaj epaakeļo̧k Rilo̧mo̧o̧r eo kōn wāween in. Im oktak ko, aaet kabwilōn̄lōn̄ ko, naaj jino waļo̧k.

Kappukōt Jisōs ilo Bok in Mormon

Būreejtōn Nelson ej karuwaineneik kōj n̄an kappukōt etan Jisōs Kraist ilo ad riiti Bok in Mormon. Jisōs elōn̄ et ko etan ilo jeje ko rekwojarjar. Erkeni rej jet iaer komaron̄ kappok!