“Ta eo ilo Ļōmņak eo Am̧?” Jera, Jān. 2024, 42.
Ta eo ilo Ļōmņak eo Am̧?
N̄e ij kōm̧m̧ani kōttōpar ko, Ij meļo̧kļo̧ki. Ekōjkan aō tōpar kōttōpar ko aō?
—Reaching ilo Reykjavik
Iakwe Reaching,
Jab inepata: N̄e ej itok n̄an kōm̧m̧ani im meļo̧kļo̧ki kōttōpar ko, kwojjab make iaam̧. En̄in ej men eo elōn̄ armej rej apan̄ kaki. Jej aolep jeļā kōm̧m̧ani kōttōpar ko. Lukkuun tōpari kōttōpar kein—bun̄ten eo epen ņe. Erkein jet ļōm̧ņak ko n̄an jipan̄!
Ilo Iakwe,
Eo Jera
-
Kōttōpar eļap bōtaab jinoe kōn jidik Em̧m̧an n̄e kwoj idajon̄jon̄e kwe make. Ak keememej bwe kōttōpar ko redik rebar kajoor. “Jān men ko redik im relam waan men ko reļļap rej kūrm̧ool” (Alma 37:6).
-
Kajejjōt. “Inaaj jipan̄ ilo m̧weo.” Kōttōpar in EM̧M̧AN ak ejjab lukkuun alikkar. “Inaaj jipan̄ ilo m̧weo ilo aō karōki men ko m̧weiō kajjojo raan.” Kōttōpar in eļap an em̧m̧an. Ejejjōt. Ej juon karōk.
-
Kwaļo̧k kōttōpar eo am̧. Kōnono kōn kōttōpar eo am̧ ippān jinen ak jemān, rikaki, ak m̧ōttam̧. Kajjitōk ippāer bwe ren jipan̄ eok. Jet iien n̄e juon ej lale im nebar eok ej waanmaanļo̧k eo kwoj aikuji.
-
Kōm̧m̧ani kakeememej ko. Eļan̄n̄e kwoj kōņaan keememej kōttōpar ko am̧, jeki. Likut juon kape in kōttōpar ko am̧ ijo me konaaj loi aolep raan. En ekōļarļar im em̧m̧an!
-
En wōr am̧ tōmak. “Jej aikuj wōr ad tōm̧ak ilo Anij,” Būreejtōn M. Russell Ballard ekar ba. “Jej aikuj wōr ad tōmak ilo Irooj Jisōs Kraist. Im oh, ekōjkan an ļap bwe jej aikuj wōr tōmak ilo kōj make.”* Kwomaron̄ kōm̧m̧ane! Anij enaaj jipan̄.
Kōmeļeļe ko jān Shawna J. C. Tenney