Bar Juon Kallim̧ur Kōn Jisōs Kraist

Bok in Mormon ej juon bok in jeje ko rekwojarjar. Āinwōt Baibōļ eo, ej katakin kōj eļapļo̧k kōn Jisōs Kraist. Unin aer kar ņaetan “bar juon kallim̧ur kōn Jisōs Kraist.”

Bok in Mormon ewōr ie bwebwenato in rikanaan ro raar kwaļo̧k bwe Jisōs Kraist enaaj kar itok n̄an laļ. Ej bar kwaļo̧k n̄an kōj kōn An kar loļo̧k Amedka ālkin Jerkakpeje eo An im katakin armej ro ijo. Ej katakin kōj elmen ad maron̄ bar ļoor E.

Jisōs ej iakwe eok, im E enaaj jipan̄ eok. Menin ej juon ennaan eaorōk ilo Bok in Mormon.

Pukot Jeje ko Rekwojarjar!

Ta bok eo jinointata ilo Bok in Mormon?
Ta kar āt ko etan jinen im jemān Nipai?
Wōn būratōr ro ilo baam̧le eo an Nipai ilo jinoin Bok in Mormon?

Imaron̄ Riiti Bok in Mormon!

Ālkin am̧ riit, kōļar e m̧ōttan in pija eo. Komaron̄ riiti eoon kein me rej ekkeijel ilo kein riit ko an kajjojo wiik jān Itok, Ļoor Eō.

Wiik 1: Moronai 10:3–5
Wiik 2: 1 Nipai 2:2–7, 16, 19–20
Wiik 3: 1 Nipai 10:17–19
Wiik 4: 1 Nipai 15:23–25