Iakwe jān Thailand!

Ekkatak kōn ajri ro nejin Jemedwōj Ilan̄ ipeļaakin laļin.

Thailand ej juon laļ ilo Southeast Asia. Enan̄in 72 milien armej rej jokwe ie.

Kajin

Thai ej kajin eo an laļ eo. Ewōr 72 leta ko an kajin Thai.

Ilo kajin Thai, komaron̄ karuwainenenik juon m̧ōttam̧ kōn naan kein, “kin khao reu yang.”

M̧eļeļein, “Em̧ōj ke am̧ m̧ōn̄ā?”

Songkran Festival

Armej in Thailand rej kōjeraam̧m̧an iiō kāāl eo aer kōn irre kōn dān an laļin ekileptata. Rej katutuik doon kōn dān n̄an keememej in kwaļi ļo̧k men ko renana. Ej kōm̧m̧an ium̧win jilu raan!

Tiger Cave

Tiger Cave Temple ej juon tampeļ in Budda ijo elōn̄ armej rej kabun̄jar im jar ie. N̄an tōpar e, kwoj tallōn̄ e juon tōļ 1,260 bun̄tōn ne lōn̄ļo̧k. Ewōr annan̄ in tiger ilo ron̄ in!

Waan M̧ōnwia rej Eppāpe

Ilo Thailand, armej remaron̄ kaikujkuj ioon waan reba ko, āinwōt m̧ōn wia ej eppāpe. Juon iaan wāween em̧akūtkūt ilo bukwon eo ej ilo reba ko. Elōn̄ em̧ ko rej jutak kōn joor n̄an dāpiji er ilōn̄ in dān ko.

M̧akūtkūt

Jineik eo ej Kij Telin

Kāālet juon bwe en jineik 1 im bar juon bwe en jineik 2. Aolep ro jet rej jutak ilikin jineik 1 im dāpdep ippān armej eo m̧aanier. Jineik 2 ej kajjieon̄ elļā jān jineik 1 im kōm̧m̧an bwe armej eo āiktata en kōtļo̧k. Jabdewōt eo ej kōtļo̧ke eluuj!

Iiōk

Som Tam

Jalat in kenabu būr ej juon iōōk eo emakijkij kōm̧m̧ane ilo Thailand. En̄in ej juon wāween komaron̄ kajjieon̄!

1. Ilo juon booļ kileplep, iōōke 1 ½ tebōļjipoon in palm juka (ak būraun juka), 1 ½ tebōļjipoon in fish sauce (ak soy sauce), im 2 tebōļjipoon in dānin ļaim̧ . Poktake m̧ae iien eōōņļo̧k juka eo.

2. Kajidikdik 2 clove in kaalik im 1 ak elōn̄ļo̧k chili peppa. M̧wijit 3 kūriin biin. M̧wijit 1 tōm̧ato kwaitoktok e.

3. Ākkili 1 kenabu būr (ak 3 abbōļ kūriin). Kajidikdiki ak m̧wijitļo̧k ilo jiļait ko reddik.

4. Kobaik aolep men ilo juon bool eo im iōōke.

Kam̧m̧oolol n̄an baam̧le eo an Panya kōn iōōk in rekar kwaļo̧ke!

Kōmeļeļe jān Mackinzie Rekers