Hery ao amin’ny Bokin’i Môrmôna

Nataon’ny Filoha Russell M. Nelson

Nalaina avy tamin’ny “Ny Bokin’i Môrmôna: Hanao ahoana re ny fiainanao raha tsy nisy azy? Liahona, nôv. 2017, 60–63; sy “Ny fandraisan’ireo rahavavy anjara amin’ny fanangonana an’i Isiraely,” Liahona, nôv. 2018, 68–70.

Rehefa mieritreritra momba ny Bokin’i Môrmôna aho dia mieritreritra momba ny teny hoe hery. Ireo fahamarinana ao amin’ny Bokin’i Môrmôna dia manana ny hery manasitrana, mankahery, mampatanjaka, ary mamelombelona ny fanahintsika.

Ny Bokin’i Môrmôna dia …

Testamenta iray hafa momba an’i Jesoa Kristy. Mpaminany maro izay nanoratra izany no nahita an’i Jesoa Kristy. Ny Bokin’i Môrmôna dia ahitana ny tenivavolombelon’izy ireo momba Azy.
Rakitsoratra mirakitra ny asa fanompoan’ny vahoaka niaina tao Amerika fahiny elabe.
Marina!

Manasa anao aho hamaky ny Bokin’i Môrmôna. Rehefa mamaky ianao dia te hamporisika anao aho mba hanisy marika ireo andininy izay miresaka momba ny Mpamonjy. Hanakaiky Azy kokoa ianao amin’ny alalan’io dingana io. Ary hisy fiovana, fahagagana mihitsy aza, hanomboka hitranga.

Mitady an’i Jesoa ao amin’ny Bokin’i Môrmôna

Nanasa antsika ny Filoha Nelson mba hikaroka ireo anaran’i Jesoa rehefa mamaky ny Bokin’i Môrmôna. Manana anarana maro i Jesoa Kristy ao amin’ny soratra masina. Ireto misy sasantsasany azonao jerena!