“Kabwarabure n Ai Aron Nibwaai,” Te Rao, Tianuare 2024, 4–5.
Kabwarabure n Ai Aron Nibwaai
E aki tangiria Aisea bwa e na tiku ma marakin nanona iroun Josh n aki toki.
E riki te karaki aei i Amerika.
E biri Aisea ao e orea te booro nakoia kaain ana tiim, ae Timothy. E tabe ni mamataku ngke e katioa rangana rikiaaki Timothy ao e orea te booro ni karinna n te kouru.
“Te bwii!” E tatakarua Timothy ngke e rin te booro n te nete.
E takarua ni kukurei Aisea. A tokanikai n te takakaro!
Ngke e rianna ni kararoa man te marae n takakaro, e namakina te kakatonga! Ma ngkanne temanna mai buakoia ataei n te tiim are teuana, Josh, e wetea arana n aki akaaka.
E rang miimi Aisea ao e maraki. E aki ataia bwa tera ae e na taekinna. E baraaki n taraa aontano ao e karaurau n rianna nakoia kaain ana tiim.
“Ti bwaati!” E taku Timothy. “Ti roko te bwaati, Aisea.”
Ma e aki kukurei Aisea. Tiaki imwiin te bwai are e taekinna Josh nakoina! E namakina te nanokawaki ao te un.
Nikiran te bong anne, e namakina Aisea kanga iai te bwai ae tinebu ae katikia rikaaki. E bon aki manga kan tangira Josh imwiin arei.
N te tairiki anne, e tekateka Aisea ma ana utu n tain booki aika tabu. E kataia n ongora n ana wareware mwaanena. Ma e a bon aki kona n toki iangoan te bwai are e taku Josh.
Aisea e tarai itenaibaan nako ana Boki Moomon. E toki n te boki ae tabu n te 1 Nibwaai. Bon taekan te tai are ngke tarin Nibwaai a rangi n ribuaka nakoina.
“Ao e koro bukina bwa I a waekoa ni kabwarai aia bure ni kabane,” e taku booki aika tabu.*
Nibwaai e kabwarai aia bure tarina? E iango Aisea. E ngae n are imwiin are e a tia n rangi n iowawa?
E tabe Aisea n iangoa Josh. E aki tangiria bwa e na tautaua marakin nanona iroun Josh n aki toki. Ai bon tibwa 10 ana ririki!
E tangiria ni kan riki n ai aron Nibwaai. E kona ni kabwara ana bure Josh, n aron Nibwaai ngke e kabwarai aia bure tarina. Ao ngkana e a manga moan iowawa n taetae nakoiu Josh, e na tii tuangnga bwa e na aki karaoia.
E namakin te abuee ao te rau inanona. Kanga ai aron ae taetae te Tamnei ae Raoiroi ni kangai, “Ko karaoa te bwai ae eti.”
“Aisea, tera ae ko reiakinaki man booki aika tabu aikai?” E titiraki Tinana.
E tararake Aisea. “Kabwara au bure, I wareka te kibu ae kaokoro,” e taku. E tuangiia ana utu te bwai are e riki n tain te butibooro.
A katika Aisea Tinana ao Tamana ao a rabwatia. “I kabwarabure bwa e rang iowawa Josh nakoim,” e taku Tamana. “Te bwai are e taku e bon aki koaua. Ma bon akea te KANGAANGA ngkana ko maraki iai.”
E moangare Aisea. “E rabwa. Ibukin te tai ae uarereke I bon rangi n un. Ma ngkai I a tia ni wareki booki aika tabu, I aki kan un irouna. I tangiria bwa N na kabwara ana bure. Ao I a kaman namakina te nakoraoi ngkai.
“Ai tamaroa anne! E moangare naba Tinana. “E bon aki bebete te kabwarabure n tainako. Ma e eti ae ko taku. E rangi n uaana karaoana!
E baraaki Aisea n tarai ana boki aika tabu. E rangi ni buokaki iai! E a kounako te rawawata are e taonaki iai mai imwaaina. E namakina te abuee inanona ao te rau ae bwanin.
Kamataata n te tamnei iroun Alyssa Tallent