“Atuun te Wirikiriki ibukin te Buteeta ae Mwakerukeru,” Te Rao, Tianuare 2024, 14–15.
Te Wirikiriki ibukin te Buteeta ae Mwakerukeru
E korakora ana namakin Maya bwa e na riai n tuoi moa renganan amwarake.
E riki te karaki aei i Amerika.
E koroi ni tiraitini tenaan strawberries Maya ao ni kabwakai ibuakon te boora n salad. Te uanikai bon te amwarake ae mamaten nanona. E tangiri karaia ni kabane aika a raneanea. Ao bon akea raraomana ngkana e kanna.
E mwaiti te amwarake ae e rabwarabwataki iai Maya. E bon riai n taratara raoi ibukina bwa ngkana e kang amwarake aika a kairua e na kona ni karika aorakina ae moan te kakaiaki. Ngke e uarereke, e reke ana kangaanga ngke e a bon tii mooi naba ni mirikin te kao ao e a rootaki ikeikena. E a rokoroko n te onaoraki. E aki tangiria bwa e na manga riki naba aekakin anne.
N tabetai e bon kangaanga aron kanakin bwaai aika a kakaokoro nakon are a kanna raoraona ao ana utu. Ma e ataia ae e bon kakawaki bwa ko na mano.
E uota te salad ae karaoaki n taian uanikai nako aon te taibora. “E a tauraoi te salad.”
E taratara Tamana man te bwaata are e kabobooa kanoana. “E Tamaroa! Iaon kawaia n roko ara iruwa.”
E a ongo karebwerebwean te mataroa Maya ao e biri bwa e na kaukia. A moangare nakoina te utu ae Johnson ao mitinare man te bwaranta. Bon raoraoia te utu ae Johnson kanga ai bon aia utu. E rangi ni kukurei Maya ngke e a manga nooriia. E kaukaa nako te mataroa bwa aonga ni bane n rin te koraki.
Ngke a tataninga te katairiki, temanna te mitinare e kaota teuana ana takakaro ni kunemwaan aongkoa e mwaaka. E bua ana iango bwa e a kanga ni buuta te koin mai itaningana.
Imwiina ao e boo te tai n amwarake. E a tataro te Tari Johnson. Ngkanne a bane ni kauarereena n tei n te rain bwa a na kanoai aia raurau n te amwarake.
Ngke e a roko n ana tai Maya, e kaonrakea te buun ae bubura n itiia kanana te salad ae karaoaki man te uanikai. E katuai tabeua amwarake ake e atai bwa a renganaki n te miriki.
Ngkanne e a anaa te baeki ni mwakerukeru ae bubura ao ni kabwakai tabeua nako aon ana raurau. Taraan ae ti titebo ma te mwakerukeru are e a tia ni kanna mai mwaaina. E a karina teuana inanon wiina.
Ma ngke e nang moanna ni kangkangtia, iai te bwai ae namakinna ae korakora. Tuoi renganan amwarake, e taetae te bwanaa inanon ana iango.
E toki ana matamtam Maya. E a tarai tenaan renganan amwarake ake iaon te baeki. Iai te miriki ibuakon te mwakerukeru!
E anaa te bwai ni kaoria Maya ao ni waekoa ni baaware ni kanakoa te mwakerukeru mai wiina n aron ae konaa. A ranran matana. E aki te roko n ongnga. Ma e na iai te bwai ae buakaka ae na riki?
“Tinau? “Tamau!” E a kawaetata ni biri Maya nakoia ana karo. “E rin te mwakerukeru ao te miriki inanon wiiu!”
“Ake te KANGAANGA,” e taku Tinana. “Ti na kakaea te bwainaoraki.” E nima te bwatin Maya are e anganna Tinana ao e kabonoa ikena tabeua te tai. E mwanokaki n tobwaaki Maya iroun Tamana ngke a tabe n tataninga mwakurin te bwatin.
Tabeua te miniti imwiina, e taku Tinana, “Ko uara ngkai?”
E tabe ni maaku Maya. Ma akea te kangaanga ae riki nakon rabwatana. “I taku bwa I marurung.” Ma I kona ni karekea te kakabwaia?”
“E koaua,” e taku Tamana. Ti a bubutia mitinare ibukin aia ibuobuoki.
E tekateka Maya iaon te kaintekateka, ao Tamana ao mitinare a katoka baia iaon atuuna. A kakabwaia bwa e na kamanoaki. E namakina te rau Maya. A bane ni bua nako baike a karawawata ana iango.
“Ko kanga n ataia bwa ko na tuoi renganan amwarake ake iaon te baeki?” E titiraki Tinana.
“I namakina ana kauring te Tamnei ae Raoiroi!”
Tamana e anganna te inga ae korakora. “I rangi ni kukurei bwa ko kakauongo.”
E katoutoua atuuna Maya. E ataia ae tangiria Tamara are i Karawa ao n tabeakinna.
Kamataata n te tamnei iroun Chrisanne Serafin