Nakomai, Iriirai Waaki ni Kakukurei,” Te Rao, Tianuare 2024, 28–29.
Nakomai, Iriirai Waaki ni Kakukurei
Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!
Tianuare 1–7
Am kakoaua
Kamataata n te tamnei iroun Katy Dockrill
Ibukin iteraniba ni Kabwarabwaran Ana Boki Moomon
E moan koreaki ana Boki Moomon iaon bwaatua koora. Aomata ake a noori bwaatua a koreia bwa a ataia bwa e koaua (taraa aia Koaua Taan Kakoaua ake Teniman ao aia Koaua Taan Kakoaua ake Waniman) Korei ke korea tamnein oin am koaua ibukin ana Boki Moomon ao nnneia inanon am boki aika tabu.
Tianuare 8–14
Tibwauaan te Kaubwai
Ibukin 1 Nibwaai 1–5
Booki aika Tabu bon kaubwai aika moan te korakora (taraa 1 Nibwaai 5:21). Korei tamnei tabeua n aron katotongan te atiibu ae moan te kakawaki iaon te beeba ao koroi kanakoi. Butiia aomata n tatabemaniia bwa e na korea te Boki ae Tabu ae ana Boki Moomon iaon atiibu aika a kakawaki. Ikotii taian atiibu aika kakawaki ao ikaruoruo n rinea teuana ao ni wareki booki aika tabu n tatabeua.
Tianuare 15–21
Bwaatua aika a Bebete ao ni Kakawaki
Ibukin 1 Nibwaai 6–10
Te Uea e tuanga Nibwaai bwa e na karaoa riki teuana te tiete ni bwaatua ae onoti ma oin bukina ae wanawana (taraa 1 Nibwaai 9). Karaoa oin am tiete ni bwaatua man te beeba ae rukumaki ke te mwakoro ni katibooti. (Ko kona n niira am beeba ke am katibooti ma bwain rabunan te amwarake ae te aramanim!) Korea ke korea tamnein te bwai are ko reiakinna man ana Boki Moomon iaon am bwaatua.
Tianuare 22–28
Ana tangira te Atua
Ibukin 1 Nibwaai 11–15
Wareka te karaki man booki aika tabu n rongorongon miin Riaai n iteraniba 26. Ngkai korea tamnein te aroka. Tuangiia kain am utu n tatabemaniia bwa a na kanima te baanikai iaon te aroka ao n atonga te bwai teuana ae e anganiira Tamara are i Karawa ae E kaotia bwa e tangiriira.