Tera ae Mena n Am Iango?” Te Rao, Tianuare 2024, 42.

Tera ae Mena n Am Iango?

Ngkana I katea au kouru, I a toki naba bwa I a mwamwaninga taekaia. N na kanga ni kakoroi nanon au kouru?

—Reaching i Reykjavík

Nakon Reaching,

Tai raraoma: Ngkana e roko n are katean ao mwanuokinan taian kouru, ko aki maroaa. Aio te bwai teuana are angiina aomata a rootaki iai. Ti bane ni bwaati karaoan taian kouru. Ni koauana kakoroan nanon kouru akanne—anne iterana ae matoatoa . Aikai tabeua iango ake a na buokiko!

Ma te tangira,

Te Rao

Kabuburaa miim ma waaki man ae uarereke. E tamaroa bwa ko kaewenakoko i bon iroum. Ma uringnga bwa kouru aika a uarereke a rangi ni mwaaka naba. “Bwa a riki bwaai aika korakora man bwaai aika uarereke man aki kangaanga” (Aramwa 37:6
Kamataata raoi. “N na ibuobuoki ni mweengau.” Aio e bon NAKORAOI te kouru, ma e aki mataata raoi. “N na ibuobuoki ni mweengau ni barongai raoi au bwai ni katoa bong.” Aei bon te kouru ae rangi n tamaroa. E bon onoti. Bon te babaire.
Tibwaua am kouru. Maroroakina taekan am kouru ma am karo ma tinam, tia reirei, ke raoraom. Butiia bwa a na boutokaiko N tabetai karekean temanna bwa e na roroko n tuoiko ao ni kakukureiko iaon ti kainnanoan kaungaakim.
Karaoi kauring. Ngkana ko tangiria bwa ko na uringii am kouru, korei ni kabane. Katuka katotoon am kouru n te tabo are ko na nonoria iai ni katoa bong. Karaoia ni kunimaniia ni kabatia ana kara.
Karekea te onimaki. “Ti riai ni karekea ara onimaki iroun te Atua,” e taku President M. Russell Ballard. “Ti riai ni karekea ara onimaki iroun ara Uea Iesu Kristo. A oo, a ingaingara nanora ni kan karekea ara onimaki i bon ibukira.”^* Ko kona n karaoia! E na buokiko te Atua.