“Te Kouru ibukin te Wareware,” Te Rao, Tianuare. 2024, 36–37.
Te Kouru ibukin te Wareware
Anders e aki tatangira te wareware ni kabaibati.
E riki te karaki aei i USA.
Anders e ongora ngke e wareware mwaanena n tain kamatebwaian booki aika tabu n aia utu. E kataia n iriria iaon ana taburete. Ma e bon kangaanga ae na katurua ana iango iaon taian taeka.
Bon iai ana kangaanga Anders ngkana e wareware. N te ririki ae nako, e kunea bwa iai aorakina ae te dyslexia. Te Dyslexia bon te aki konabwai n reirei are e a karika te kangaanga nakon te wareware. Kaburorona e kamangaoi taeka ao manin te reta, ao matana a biriaitua iaon baan te boki ngke e kataia ni wareware.
E bane ana kibu mwaanena are e warekia, ao tarina e wareka are imwiina. Ma e aki wareware Anders. E aki tangiria bwa e na wareware ni kabaibati. Ni kabuburai taeka iaon ana taeburete e reke buokana teutana iai. Ma e ribaa aron waremwena ao e aki bomaongina ana wareware. E mwaiti kairua ae karaoi! E riai ni mwakuri korakora ibukin te bwai are e taraa ni bebete irouia aomata nako.
Ngke a tia ni wareware, a mataku ana utu Ander n te witeo. Bon taekan aia burokuraem Ataei ao Kairake
“Katea ami kouru are e na angani ngkami te kakaewenako ao ni kakorakorako,” E taku Unimwaane Gong n te witeo. Kunei am tarena aika a boou, baike ko nano iai, ao rabakaum”*
E tabe n iango Anders ibukin katean ana kouru Tao e na kona n reireinna ni kamwai taian kuuki. Ke e na takakaro n te butibooro n ae tamaroa riki.
Ngkanne e taraa ana Boki Moomon are e mena iaon te taibora. Karekean ae tamaroa n tain te wareware kanga tiaki taraan te kouru ae kaunga. Ma e tangiria bwa e na kona ni wareware ni booki aika tabu ma ana utu.
“I ataia bwa tera ae I tangiria bwa e na riki bwa au kouru,” e tuanga Tamana.
“Teraana iai?” E titiraki Tamau.
Anders e tabekarake ana Boki Moomon. “I tangiria ni wareka kibun ana Boki Moomon ni kabaibati ni katoa bong.”
“Anne kanga taraan ae te kouru ae moan te nakoraoi,” e taku Tamana. “Nningai ae ko na waaki iai?”
Ngkai naba?”
E nako Ander nakon ana ruu ao e kaina te mataroa. Akea temanna ae tangiria bwa a na ongo bwanaana. Ngkanne e a kauka ana Boki Moomon. E kamangaoi taian taeka, ma bon tii teutana te miniti ao e bane te moan kibu. Anne e aki rangi ni buakaka, e iango.
Ander e wareware ni booki aika tabu ni katoa bong. E bon matoatoa! E namakinna ae kanga akea te nakoraoi, naba. Ma e teimatoa ni mwakuriia.
Ngkanne n te bong teuana, e taku ana tia reirei, “Auee! I a bon aki kakoaua ae rangi ni baiti reiakinam.”
E tararake Anders mai iaon ana bwai n reirei. “Ko koaua raoi?”
E katoutoua atuuna. “E rikirake n tamaroa am kekeiaki.”
E baraaki Anders n tarai taeka ake iaon ana beeba. A rangi bebete warekaia nakon are mai imwaaina. Ana kouru ni wareware ni booki aika tabu e buokiia ni kamatebwai n te reirei.
Ngke e okira mweengana, e biri nako eeta bwa e na wareki ana boki aika tabu. Ngke e taraa baana, a bon minomino naba taian taeka. Ma e bon bebete ni kakaeana bwa tera ae a taekinna.
E rangi ni kukurei Anders n te tairiki anne ibukin aia kamatebwai ni booki aika tabu ana utu
“Eei, Tamau,” e taku. “I kona ni buoka te wareware n te bong aei?”
E matangare Tamana. “I tangira anne!”
E tabe ni karaurau n iriria ngkai a tabe ni warekii kiibu n tatabeua tarina ma mwaanea Ngke e a roko n ana tai, e karaurau ni wareka te kibu ni kakoaua raoi bwa a na bane n eti taeka irouna. Imwiin tiana ni wareware, e tararake. A bane ni moangare ana utu nakoina.
E ngae ngke tiaki te tia wareware ngaia ae nakoraoi, e kamoamoa Anders i bon ibukina. E ataia bwa ngkana e mwakuri korakora, e na memena Tamara are i Karawa ikekei ni buokia.
Kamataata n te tamnei iroun Kelly Smith