Oin Au Koaua

Iroun Chloe C., 9 ana ririki, Southern Region, Malawi

Arau bon Chloe, ao ruaiwa au ririki ni maiu. Mamaten nanou bon te takakaro ae te teeneti, te anene, ao ni karekeia raoraou.

I kan nanako n taromauri, ao ni kan ibuobuoki n au kiraati n te Moanrinan. E anganai te namakin ae tamaroa. I tangiria ni buokiia naba tabeman. I rangi n tangiriia au utu. I buoka tariu ae uarereke ae Anna n reireinna ni bwaatika N tabetai I buoka tinau ni kaitiaki bwain amwarake.

I tangiria naba ni wareka Ana Boki Moomon ma au utu. N te bong teuana ngke I wareka rongorongon Amon, I namakina te Tamnei ae Raoiroi inanou. N te tairiki anne, I tuangiia au utu, “Ngkai I ataia bukin tera ngkai a taku aomata bwa e koaua ana Boki Moomon.” I namakinna inanou bwa karaki ake ti wareki man ana Boki Moomon a bon riki.

I ataia bwa e bon koaua te Ekaretia. I ataia bwa karaki inanon ana Boki Moomon a bon koaua. I ataia bwa burabeti a weteaki mairoun te Atua. I ataia bwa mitinare a kona ni buokiira n iriira Iesu. N aran Iesu Kristo, amen.