“Unsaon nga Mahimong Malipayon,” Higala, Peb. 2024, 2–3.
Gikan sa Unang Kapangulohan
Unsaon nga Mahimong Malipayon
Gipahiangay gikan sa “Joy and Mercy,” Ensign, Nob. 1991, 73–75; ug “Unsa ang Sapongtanan Niini?” Liahona,, Mayo 2019, 60–62.
Mga paghulagway pinaagi ni Audrey Day
Si propeta Lehi mitudlo nga “ang mga tawo naingon, nga unta sila makabaton og hingpit nga kalipay” (2 Nephi 2:25). Ang Langitnong Amahan milalang kanato aron makabaton og kamaya. Gusto Niya nga makabalik kita Kaniya. Gusto Niya nga magmalipayon kita niini nga kinabuhi.
Unsaon nato sa pagpangita og kalipay ug kamaya? Si Hari Benjamin midapit sa iyang katawhan sa: “[p]aghunahuna sa bulahan ug sa malipayon nga kahimtang niadto nga naghupot sa mga sugo sa Dios. Kay tan-awa, sila bulahan sa tanan nga mga butang” (Mosiah 2:41).
Ang Langitnong Amahan ug ang Iyang Anak, si Jesukristo, nahigugma kaninyo. Ang ilang plano alang kanato mao ang “mahinungdanon nga laraw sa kalipay” (Alma 42:8). Kana nga plano ug ang Ilang mga sugo mogiya kanato ngadto sa labing dako nga kalipay ug kamaya.
Moawhag ako sa matag usa kaninyo nga pangitaon ang kamaya nga nagagikan sa pagsunod sa mga sugo sa Dios.
Malipayon nga mga Pagpili
Si Presidente Oaks nagtudlo nga ang kamaya nagagikan sa pagtuman sa mga sugo. Pagdrowing og nawong nga nagpahiyom tapad sa matag maayo nga pagpili ug nagkusmod nga nawong tapad sa matag dili maayo nga pagpili. Unsa ang maayong pagpili nga imong nahimo?