Kumusta gikan sa Bolivia!

Magkat-on mahitungod sa mga anak sa Langitnong Amahan sa tibuok kalibotan.

Ang Bolivia usa ka nasod sa Habagatang Amerika. Sobra sa 12 ka milyon ka tawo ang nagpuyo didto!

Pinulongan

Ang Bolivia adunay kapin sa 30 ka opisyal nga pinulongan! Kasagaran sa mga tawo Kinatsila ang sinultihan. Ang ubang komon nga mga pinulongan mao ang Quechua, Aymara, ug Guaraní.

¡Jallalla!

Nagpasabot kana og “kumusta, kamong tanan!” sa pinulongang Quechua ug Aymara.

Mga Katabang nga Zebra

Ang mga trabahante sa siyudad sa La Paz magsinina og zebra ug motabang sa mga tawo aron luwas nga makalabang sa dalan. Mobisita usab sila sa mga bata sa eskwelahan ug mga ospital.

Tulo ka Templo

Ang unang templo sa Bolivia gipahinungod niadtong 2000 sa Cochabamba. Duha pa ka templo ang hapit na mahuman, sa La Paz ug Santa Cruz!

Mga Hayop sa Rainforest

Ang usa ka bahin sa rainforest sa Amazon anaa sa Bolivia. Puluy-anan kini sa daghang mga hayop, lakip na sa mga periko, sloth ug higanteng mga otter.

Kalihokan

Mga Kinulit sa Asin [Salt Sculptures]

Ang Bolivia adunay kinalapdan nga patag sa asin sa tibuok kalibotan. Pagsagol og 1 tasa nga asin, 2 ka tasa nga harina, ug ¾ ka tasa nga init-init nga tubig hangtod nga maporma kini og minasa. Dayon pormaha ang minasa nga asin ug harina ngadto sa lainlaing gusto nimong mga porma!

Risipi

P’esque de Quinua

Ang ubang mga taga Bolivia mangaon og linugaw nga humay [quinoa porridge] para sa pamahaw. Ania ang usa ka bersyon nga mahimo ninyong tilawan!

1. Pagkilis og 1 ka tasa nga puti nga quinoa (o bugas humay). Idugang ngadto sa kaldero nga adunay 4 ka tasa nga tubig. Dayon pabukalon ug pabugnawon og gamay sulod sa 15 minutos.

2. Kuhai sa tubig. Pus-a ang linugaw ngadto sa kilid sa kaldero gamit ang kutsara.

3. Ibalik sa hinay nga kainiton. Isagol ang 2 ka tasa nga gatas, 1 ka kutsareta nga mantekilya, ug 1/3 ka tasa nga kinagod nga keso [cheese] hangtod matunaw ang tanan. Butangi og asin ug cumin.

Seguroha nga makapangayo og tabang sa usa ka hamtong!

Mga paghulagway pinaagi ni Natalie Briscoe