Si Nephi Naghimo og Barko

Ang Ginoo misugo kang Nephi sa paghimo og barko aron ang iyang pamilya makabiyahe ngadto sa gisaad nga yuta. Ang tulo ka butang nga gikinahanglan ni Nephi aron makahimo og barko mao ang mga himan, kakugi, ug hugot nga pagtuo sa Dios (tan-awa sa 1 Nephi 17:7–16; 18:1–4).

Mga Himan. Nag-ampo si Nephi aron mahibalo kon asa siya makakita sa saktong mga materyal nga himoon og mga himan. Ang Ginoo mitabang kaniya sa pagpangita og mga bato nga adunay oro (metal) niini aron tunawon ug himoong mga himan.

Kakugi. Si Nephi kinahanglan magpundok og mga kahoy aron makahimo sa iyang barko. Nagkinahanglan og dakong trabaho ang pagkarga ug pagputol sa kahoy!

Hugot nga pagtuo sa Dios. Si Nephi adunay hugot nga pagtuo nga pakit-on siya sa Dios kon unsay buhaton. Mituo siya nga ang Dios motabang niya. Mituo usab si Nephi nga ang Dios mogiya sa iyang pamilya ngadto sa gisaad nga yuta.

Dula Bahin sa Kasulatan [Scripture Challenge]

Unsa kadugay nga nagpadayon ang unos sa wala pa gibadbad ni Laman ug Lemuel ang gapos ni Nephi? (Tip: 1 Nephi 18:15)
Si Lehi mitudlo mahitungod sa paghimo sa atong kaugalingong mga pagpili. Unsay tawag niini? (Tip: 2 Nephi 2, ulohan sa kapitulo)
Kinsa nga propeta sa Karaang Tugon ang gikutlo ni Jacob diha sa 2 Nephi? (Tip: 2 Nephi 6:4–5)

Makabasa Ako sa Basahon ni Mormon!

Human nimo og basa, kolori ang usa ka bahin sa litrato. Mahimo nimong basahon kining mga kasulatan nga kauban sa matag semana nga basahon gikan sa Dali, Sunod Kanako.

Semana 1: 1 Nephi 18:9–22
Semana 2: 2 Nephi 2:6
Semana 3: 2 Nephi 5:27
Semana 4: 2 Nephi 9:21