Unsay Mahitabo sa sulod sa mga Templo?

Mga paghulagway pinaagi ni Rachel Erickson

Sulod sa templo, makat-on kita og dugang mahitungod sa Langitnong Amahan, ni Jesukristo, ug sa plano sa kaluwasan. Makadawat kita og mga ordinansa ug mohimo og sagrado nga mga pakigsaad. Makahimo usab kita niini alang niadtong nangamatay nga wala makahimo niana nga mga pakigsaad. Mobati kita sa Espiritu Santo ug makadawat og mga tubag sa atong mga pag-ampo. Nagsaad ang mga propeta nga ang pag-adto sa templo makatabang nato aron makadawat og giya alang sa atong mga kinabuhi.

Cochabamba Bolivia Temple

Kini ang unang templo nga gitukod sa Bolivia.
Makita ninyo ang usa sa labing taas nga estatuwa ni Kristo gikan sa mga palibot sa templo.
Sa wala pa matukod ang templo, walay ulan sa daghang mga bulan. Sa adlaw sa tulumanon sa pagsugod sa konstruksyon [groundbreaking] dihay kusog kaayo nga ulan!

Johannesburg South Africa Temple

Kini ang unang templo nga gitukod sa Africa.
Human kini matukod, ang matag kontinente nga adunay tawo niini natukoran og templo.
Ang mga materyales nga gigamit sa pagtukod sa templo gipili aron mapaangay sa makasaysayanon nga mga bilding nga nagpalibot niini.