“Mauri mai Papua New Guinea!” Te Rao, Maati 2024, 8–9.

Mauri mai Papua New Guinea!

Reiakina rongorongoia natin Tamara are i Karawa ni kabuta te aonaaba.

Papua New Guinea bon te aba ae uarereke ni Marawan te Betebeke. Abwakina bon iteran te aba ae New Guinea. E raka iaon 8 te mirion aomata aika a maeka ikekei!

Taian Taetae

Papua New Guinea iai ana taetae ae e raka riki nakon aba nako n te aonaaba —e nakon 840 ana taetae!

Umwantabu

E roroko te ieka i Papua New Guinea. Ngaia are kateitein te ekaretia ikekei a kateaki i aon taian boua. Ngkana e roko te ieka, a kona ni buuru iaon waia memwa nakon te mataroa!

Mannikiban te Buakonikai

Mannikiba n te bwaretaiti bon mannikiban te buakonikai aika a mamaama. Taian mwaane iai baia aika tamaroa ao n kakaokoro tein karaia. Te mannikiba ae te Raggiana man te bwaretaiti e toka i aon buraekin te aba.

Anenei-Anene

A ikoikotakibaronga i aon Papua New Guinea n anene, mwaie, n tibwai kateia, ao n inoono. E raka iaon 100 baronga aika ira te anene ni katoa ririki!