“Te Atibu ae Beebo ae Raneanea,” Te Rao, Maati 2024, 10–11.
Te Atibu ae Beebo ae Raneanea
Ngkana e taekina te koaua, e na kona n un irouna?
E riki te karaki aei i n te Netherlands.
E kauka ana bwaoki ni bwai Marie bwa e na noora ana atiibu ae tamaroa. Teuana i mwiin teuana, e taui i nanon baina. Are e uraura, i mwiina ae kiriin, i mwiina ae e mainaina n itiaki.
E karebwerebwe ni mataroan ana ruu ni matu tibuna te unnaine. “Tauraoi ni mwananga?”
“Eng!” E karaurau ni kaoki ana atiibu nakon ana bwaoki Marie.
E na kaira Marie nakon te tabo n tangoboki tibuna te unnaine. Ma tiaki ti ibukin noorakin booki. Iai te atiibu ae te bwai ni kamataku ikekei! E rang ni ingainga Marie.
Ngke e roko aia bwati n te tabo n tangoboki, a nako n rin i nanona Marie ma TIbuna te unaine. A noori taibora ao taiboran atiibu aika a tamaroa. Tabeua a raneanea ao a maranran. Tabeua iai teia aika a kamimi.
“Noora ae teuana aei!” E kotea te atibu ae bubura ao man raneanea tibuna te unaine. Iai kateketeke aika a uarereke aika tebenako mai i aona.
N te taibora teuana iai atibu aika a mronron, aika a mwaiti i aona. E taratarai mataia ni kabane Marie. Ni kabaneana bon te atibu ae beebo, e uarereke man raneanea ao e maranran.
Akea irou te atibu ae beebo, E iango Marie. E na bon rangi n rokoraoi ibukin au karikobwai.
E tarataranako Marie. E mena n te taibora teuana tibuna te unnaine. Akea temanna ae uakaan ma ngaia. Tao akea ae kona n uringa te atibu aei, kee?
E anaa te atibu Marie ao e karinna n ana buua.
N te tairiki anne, e kamanoaki raoi te atiibu ae beebo i nanon ana bwaoki ni karikobwai, E toka n ana kainiwene Marie.
“Tauraoi nakon tain te karaki?” E tekateka Tamana iaon te kainiwene ao e kauka te Rao maekatiin.
E rinnako iaan ana burangketi Marie ao e ongora. Te karaki bon rongorongon te ataeinimwaane ae raira nanona i mwiin karaoan ana rinerine ae kairua.
Ngke e wareware Tamana, e namakina birotona Marie bwa kaanga e minotaki ni kakooaki. E rabinonako nakon iterana, i mwiina e raira uningana. Ma e aki namakina te mweengaraoi. Ao e aki kona ni katoka iangoan te atiibu ae beebo.
E moti ana karaki Tamana. “Ko raoiroi?”
E aki ataa te bwai ae e na karaoia Marie. Ngkana e tuanga Tamana, e na bon bae n un.
Ma tao e na ataia bwa e na kanga arona n ibuobuoki.
E karaurau, Marie n kawakawa nako man ana kainiwene ao e anaa te atibu man ana bwaoki. “I ana aei man te tabo n tangoboki n te bong aei.” E bwaro ranin matan Marie. “I rangi ni kabwara bure.”
E inga nakoina Tamana. “E raoiroi bwa ko na kaota te koaua nakoiu. I kakatonga iroum ngkai iai iroum te ninikoria ni kakaota te koaua.”
E a moanna n nakoraoi biriton Marie. E aki un Tamana!
“Ao ibukin Iesu, ti kona n rairi nanora. N ai aron te karaki,” e taku. “E aera ti aki uota rikaaki te atibu nakon te tabo n tangoboki?”
E kamakiia matana Marie. “Akea! A na bon rangi n un.”
E katoka baina Tamana i aon angana. “A bon kona n un teutana. Ma I taku bwa a na rangi n kukurei ngkana ko kaokia. Ao kona rangi n namakina naba te mweengaraoi.”
E ikerake Marie ao n katoutoua atuuna. “E TAMAROA.”
E kaotinakoa te mwakoro ni beeba Marie ao e waaki ni korea te reta. “I kabwarabure ibukin anaakin te bwai aei,” e koreia. “Tera ngke I bon aki karaoia mai i mwaina. I tangiria ni karaoa ae eti.”
E karina te reta i nanon te tinaniku. I mwiina e karina te atibu ae beebo i nanona naba.
“Tia uota aio n oki ningabong,” e taku Tamana. “E uara am namakin ngkai?”
“E nakoraoi riki,” e taku Marie. “Iai riki te bwai ae N na riai ni karaoia.”
E katorobubua Marie irarikin ana kainiwene man tataro. “I kabwara au bure ngkai I ana te atibu,” e taku. “I aki manga oki ni kimoa. Ko rabwa ibukin buokakiu bwa N na ninikoria ao bwainakin te kokoaua.”
Ngke e okira ana kainiwene Marie, e namakina te rau. E na kaeti n arona bwaai n te bong are i mwiina. Ao e ataia bwa Tamara are i Karawa ao Iesu a na buokia. Ibukina bwa iai Ngaiia, bwaai ni kabane a na bane n nakoraoi.
Kamataata n te korotamnei iroun Katie Rewse