“E a Toki Ana Mamataku Janeelyn ” Te Rao, Maati 2024, 36–37.
E a Toki Ana Mamataku Janeelyn
E rangi ni kan noora te witeo are i mwiina. Ao are i mwina. Ao are i mwina.
E riki te karaki aei i Malaysia.
E kabuta waebuan baina Janeelyn iaon tikuriinin ana tareboon. A kaoti taian witeo. E toki ao e mataku n teuana, i mwiina e manga kabutia riki. I mwiina e a manga tei naba ao e matakuakina teuana. Iai taetaena aika mwaiti aika a buakaka, ma e kakamanga, ngaia are e reitinako ni mataku. Ao i mwiina e reitinako ni kabutia.
“Janeelyn! Ko kan nakomai ni korotamnei?” E katiotioa te mwakoro ni beeba tarina ae uarereke riki ae Jojo.
E tararake Janeelyn. “Tiaki moa ngkai.”
“NGAIA.” E mata n un Jojo ao e karuoa ana beeba.
Kabutia. Kabutia. Kabutia. Tamneia maan aika kakateke. Tamneia aomata aika a rangi ni kinaaki. Tamneia ataei aika a mwaie. Ao tabeua riki witeo ake e ataia Janeelyn bwa aki rangi n tamaroa matakuakinaia. NGAIA, tao e raka riki nakon ae ti tabeua. E a moanna n namakinna Janeelyn bwa e a riai ni katoka matakuakinaia.
Ma a katokai naba bwaai aika a mwaiti aika a raoiroi aomata, e iango. E a bwaati naba aron korotamnei aika a boou man tabeua witeo.
“Janeelyn,” e wewete Tinana.
“Hmm?” E aki kan tararake n te tai aei Janeelyn.
“Ti na kang raiti ae baaniaki ma amwaraken taari n te tairiki aei,” e taku Tinana. “Ko kona ni buokai, ni karaoia?”
E tatangira amwaraken taari Janeelyn ae baniiaki ma te raiti. Ma e aki kan teirake moa n te tai aei.
“I kona n tii bairea aon te taibora?” e titiraki. “I kan ibuobuoki ma amwarake naba i mwiina.”
“E tamaroa anne,” e taku Tinana. “Ma ko riai ni karaoia ngkana I tuangko. Ao i mwiina e a boo te tai are e na kaoka iai te tareboon. E reke?”
“E reke,” e taku Janeelyn.
E teimatoa ni matakukini witeo Janeelyn. I mwiina, e namakinna bwa e riai n aki mataku iai. Ma e rangi n kan noora te witeo are i mwiina. Ao are i mwina. Ao are i mwina. Kabutia. Kabutia. E rang kangaanga katokana!
N tokina e a katuka te tareboon Janeelyn. Eng, tao e kona ni matakuakina te kabanea ni witeo . . . .
E tau, E kamatoa ni bon nakoina Janeelyn. E wirikiriki nakoina te Tamnei ae Raoiroi, ao e tangiria ni kan ongo. A teimatoa ni kaan baina ma te tareboon. E rangi ni kariiria te nano! E kamatoa ni kamakiia matana Janeelyn.
Tamara are i Karawa ae ko tangiraki, e tataro ni kainabwaabu. I rangi n kataia ni kakauongo nakon te Tamnei ae Raoiroi, ma I kainnanoa te ibuobuoki. I tangiria ni katoka matakuakinan witeo aikai, ma I aki koaua bwa e kanga arona. N aran Iesu Kristo, amen.
Bon i mwiin anne, e weteia tinana bwa e na katauraoa te taibora. E waekoa n teirake Janeelyn ma te moangare. Anne teuana te kawai ni buokia ni kiitana te tareboon.
E katokai raurau Janeelyn iaon te taibora. “Tinau , I noori tabeua bwaai aika a buakaka iaon te tareboon,” e kaotia.
E taraia mai i aon ana kuuka. “N aekakin baikara?”
“N ai aron, taeka aika a buakaka, ao witeo aika a buakaka.” E katea kaina Janeelyn. “Ma e aki bane ni buakaka.”
“Tera ae e ko na karaoia ngkana ko noora te bwai ae buakaka?” E titiraki Tinana.
E kainabwaabu Janeelyn n te tai ae uarereke. E katikui mwangko n nneia nako.
“I teimatoa ni matakuakinna,” e taku. “I aki ataia bwa bukin tera. Ma e tuangai te Tamnei ae Raoiroi bwa N na katokia, ngaia are I a tataro ni karekea te ibuobuoki.”
E katoka te raiti ae baeniiaki ma amwaraken taari ae bue iaon te taibora tinana. “N tabetai e kanganga katokan karaoan bwaai riki ngkana ti ataia bwa e buakaka,” e taku. “Ao ngkana e riki anne, te bwai ae tamaroa ae ti kona ni karaoia bon te tataro.”
E wiingare Janeelyn. “Nanona I a tia ni karaoa ae eti.”
“Eng ko bon tia ni karaoia.” E angan Janeelyn taian buun tinana bwa e na katokai iaon te taibora. “Ao e aki buakaka te intanete. E kona ni buokiira n reitaki ma raoraora ao n tibwai ara iango. Ma e kona n rangi ni kanganga bwa ko na kararoako man bwaai ni kabane aika a buakaka naba. Man te tai aei, ngkana ko na mataku n te witeo, ti a uaia ni mataku iai. N te aro anne ti kona ni buokiko Ngai ma Tamam ngkana ko noora te bwai ae buakaka.”
E katoutoua atuuna Janeelyn. Ngkana e mataku n te witeo are i mwiina ao ai raona Tamana. Ma i mwiin anne, a rangi ni mwaiti bwaai aika a kakukurei are e kona ni karaoi n akea te tareboon.
“Ko kona n tuangiia te koraki bwa e a boo tain te katairiki?” E titiraki Tinana.
“Eng! Ao i mwiin te katairiki, N na korotamnei ma Jojo!”
Kamataata n te tamnei iroun Mitch Miller