Nakomai, Iriirai Waaki ni Kakukurei,” Te Rao, Maati 2024, 28–29.

Nakomai, Iriirai Waaki ni Kakukurei

Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!

Beberuare 26–Maati 3

Tembora aika Beeba

E reirei Itaia bwa taian tembora bon taabo aika onoti ake ti reiakina iai taekan Tamara are i Karawa ao Iesu Kristo (taraa 2 Nibwaai 12:3). Karaoa oin am tembora! Otea am mwakoro ni beeba inanon teniua mwakorona. Korea teuana ni karokoa inanon te turaiangkoro. Taakina te beeba ao korea tamneim mai nuuka.

Maati 4–10

Kakoaua n te Anene

Ibukin 2 Nibwaai 20–25

E tibwa ana kakoaua Itaia iroun Iesu Kristo. E taku bwa Iesu bon korakorana ao ana anene (taraa 2 Nibwaai 22:2). Tera kunan Iesu ae ko tatangiria? Maroroakinna bwa bukin tera ko tatangiria. I mwiina ikotaki n anenei!

Maati 11–17

Teutana i mwiin Teutana n Tain te karaki

Ibukin 2 Nibwaai 26–30

E buokiira Tamara are i Karawa n reiakina “teutana i mwin teutana,” ke teutana n te tai teuana ma teuana (2 Nibwaai 28:30). Ikotaki, tibwai karaki man koroboki aika a tabu ae ko tatangiria teuana te rain imwiin teuana! Ni kabane temanna i mwiin temanna a taekina teuana te tiententi man te karaki ni karokoa e moti te karaki.

Maati 18–24

Mwaneka n Iriira Iesu

Ibukin 2 Nibwaai 31–33

E reirei Nibwaai bwa ti iriira Iesu Kristo ngkana iai ara onimaki Irouna, rairi nanora, ao ni bwabetito, ni karekea ana bwaintituaraoi te Tamnei ae Raoiroi, ao a teimatoa ni ua te toki (taraa 2 Nibwaai 31). Korei mwaneka nako iaon mwakoro ni beeba aika a kakaokoro, imwiina kamaenakoi iaon te timanti. Temanna te aomata e kamakiia matana ao e wareware nakon 10 ngkai ni kabane a tei iaon te beeba. Te aomata are e wareware e taekina ngkanne teuana te mwaneka n iriira Iesu. Te aomata are iaon te beeba anne e wareware i mwiina.

Maati 25–31

Te Kiebu ibukin te Itita

Ibukin te Itita

Ibukin Iesu Kristo, ti na manga maiu i mwiin matera (taraa Aramwa 40:22–25). Karaoa te Uee Ibukin te Ititan iteraniba 17. Katuka am uee n te tabo are a kona n nooria iai am utu bwa e na buokiko n uringa te Tia Kamaiu n te wiiki aei.