Kamwaitan te Tai irarikin Max

Iroun Ashlyn B., ana ririki 12, Washington, USA

N te taina I nako ni kaembwa i aon te bike ma au utu, tabeman raoraou, ao au kamea, ae Max. E bong ara bong n uaua ao n takakaro. I mwiina ti mataku n te fireworks ngke e a roo. Ti bane ni kukurei.

Ngke e a toki te fireworks, I a kakaea Max. Ma ngaia e a bua! E nako nanou ao I takarua ae e a bua Max. Ngke a tiinako raninmatau, ti bane n nako n tarataraia n te buakonikai. I namakina te bwana ae uarereke ae tuangai bwa N na tataro, ngaia are I a karaoia. Ma I namakinna bwa ai akea angin rabwatau ni kabane, ao I a maaku ibukin Max.

E aki roko n te reke, ngaia are ti a rianna n oki nakon ara auti n rianna. I teimatoa n tataro n au iango, ma e a moanna ni bwara nanou. I a bon tang ni karokoa I matu.

Tabeua te aoa i mwiina, a ioioai au karo ni kautai. E tekateka Max bon irarikiu raoi! A ongo tangitangin ana beero kabaean roroan Max au karoi tinanikun ara auti n rianna. I taua ni koonna ao I karaurau ni karabwa te Atua ibukin kaekaan au tataro.

Teniua te ririki imwiina, e ikoaki nuukan Max ao e korakora marakina. E aki kona ni marurung, ngaia are ti a riai ni kaboo ma ngaia. Tamara are i Karawa e karaua nanou ao e anganai te rau. E kauringai te Tamnei ae Raoiroi bwa e kuri ni bua Max teniua te ririki n nako, ma te Atua e buokiira ni kakaea. I kakaitau bwa E anganiira riki ara tai n tangira Max.

I ataia bwa e kaekai taian tataro te Atua ao e karekea te rau n nano i nanon kangaanga. Ana Mwakuri ni Kamaiu Iesu Kristo bon ibukiia aomata ni kabane. I rangi ni kakaitau ibukin te bwai are e a tia ni karaoia Tamara are i Karawa ibukiia au utu ao nakoiu.