“Te Banna ni Katoto ae Tamaroa,” Te Rao, Maati 2024, 32.
Te Rao nakon te Rao
Te Banna ni Katoto ae Tamaroa
Man te intawiu ma Haley Yancey.
Tiaki ngai te membwa n te Ekaretia ngke I uarereke. E aki riki ni karokoa I a ikawai ao I a riki bwa te tia bitineti ngke I a bwabetitoaki.
Tamau naba bon te tia bitineti. E rangi n raraoma ngke I kaina te Ekaretia. E taku, “Ko aki manga momoi manging. Anne e na bon kangaanga i nanon boowi n taabo ake a bane ni ikotaki ni mamanging iai aomata.”
Ma I aki raraoma. I baireia bwa ngkana iai temanna ae e anganai te manging, N na kangai, “I aki, ko rabwa.” Ngkanne I a manga ootana te bwai riki teuana.
A nako ririki, ao I kakaroa aei n angiin te tai. I mwiin te tai ae maan, a ataia raou ni mwakuri. Ngkana I anganaki te manging, a taku, “e aki momooi Mathias. Anganna te bwai teuana.” E a moanna ni mwaiti mairouia ae e a katoka naba kabooan te manging. “Ngai naba I aki tangiria,” a taku.
N te taina, tabeman iruwa a roko n te boowi. Bon tii ngaiia aika a momooi manging.
A titirakinai, “Bukin tera akea ae e momooi manging? A bane ni kaaina am Ekaretia?”
“A aki” I kaeka.
I aki kabwarabwara nakoia raou ni mwakuri taekan Tuan te Mauri. I bon ti matoatoa iaon au koaua, ao a bane n noora au banna ni katoto.
Ko kona n riki bwa te banna naba ni katoto ae raoiroi. A na ataia aomata ngkana ko rinea ae eti. Ko kona ni buokiia ti man maiuakinan te euangkerio.
Kamataata n tamnei iroun Matt Smith